"Turan Tovuz" klubunun aparıcı futbolçularından olna Tərlan Quliyevin Futbolmedia.Az saytına müsahibəsi.

Tərlan Tovuzda doğma azarkeşləriniz önündə “Qəbələ”ni qəbul etdiniz. Çox gərgin keçən oyunda bir xal qazandınız. Necə deyərlər evdə iki xal itirdiniz. Lakin qalib gəlmək şansınız da vardı. “Turan Tovuz”un aparıcı üzvü olaraq bu heç –heçəni necə şərh edərdin?

Matçın gərgin keçəcəyini əvvəlcədən təxmin edirdik. Çünki biz də, neçə turdu ki, qalib gələ bilmirdik. Yəni məğlubiyyətlərimiz vardı. Açığı bu oyuna maksimum nəticə üçün çıxmışdıq. Rəqib güclü komanda olsa da, bizə mütləq qalibiyyət sərf edirdi. Keçən turlarda yaxşı oyun oynasaq da, məğlub olmuşduq. Nəticə üçün oynamalı idik. Ən azından meydandan xalla ayrılmalı idik. Məncə də, oyunun ədalətli nəticəsi heç –heçə idi.

Son turlarda “Turan Tovuz” olaraq özünüzə bənzəmədiniz. Gözlənilməz məğlubiyyət, xal itkiləri oldu. Komanda daxilində hər şey qaydasındadır. Klubun oyunlarına təsir edəcək bir problem yoxdur?

Yox elə bir ciddi problemlərimiz yoxdur. Şükürlər olsun ki, hər şey qaydasındadır. Sadəcə, yeni yaradılmış bir komandayıq. Əlbəttə ki, məğlubiyyətlər, xal itkiləri ola biləcək. Özünüz fikirləşin, çempionatdan əvvəl kimə desəydin ki, “Turan “Tovuz” 5-6-cı yer uğrunda mübarizə aparacaq. Kubokun yarımfinalına yüksələcək, heç kəs inanmazdı. Lakin biz komanda olaraq bunu bacardıq. Azərkeşləri başa düşürük. Lakin onlar Avroliqada komandalarının oynamasını istəyə bilərlər. Bu onların arzusudur. Ancaq hazırki reallığa baxmaq lazımdır. Klubun büdcəsinə, durumuna, illər sonra premyer liqaya vəsiqə qazandığını unutmaq olmaz.
[/b]

[b]Bəs sənin zədənlə bağlı durumun nə yerdədir. “Qəbələ” ilə oyunda əsas heyətdən kənar qalmışdın. Yalnız, sonradan meydana girdin. Zədən ciddi deyil ki?

“Neftçi” ilə oyunda yüngül zədə aldım. Ayağımda burxulma oldu. Şükürlər olsun ki, qorxulu bir zədə deyil. Sadəcə, biraz ağrılarım vardı. Tovuz stadionun meydançası da, süni örtüklü olduğu üçün oynamağa risk etmədim. Fərdi şəkildə məşqlərimi etdim. Artıq komanda ilə məşqlərə başlamışam.

Növbəti oyunu “Səbail”lə qarşı keçirəcəksiniz. Bu oyundan 3 xalla ayrılmaq şanslarınızı necə dəyərləndirirsən?

Rəqib komandanın turnir cədvəlində vəziyyəti yaxşı deyil. On görə də, bizə qarşı maksimum güclə oynayacaqlar. Bəlkə də, “Turan Tovuz”u bu oyunun fovariti sayırlar. Lakin mən belə düşünmürəm. Çox gərgin və çətin bir oyun olacaq. Hər iki komandaya 3 xal hava-su kimi lazımdır. Bu oyun onlar üçün də, bir ölüm –dirim savaşı olacaq. Məhz bu oyuna çox diqqəli yanaşırıq. Hər şey ola bilər. Var gücümüzlə bu oyndan qələbə ilə ayrılaq. Xal ehtiyyatımızı mütləq artırmalıyıq.

Əli HƏYATİ