Mövsümün sonu yaxınlaşdıqca Azərbaycan klublarının transfer çalışmalarında hərəkətlik müşahidə olunmaqdadır. Bir çox iddialı klublar indidən müqavilələri mövsümün sonunda başa çatacaq və ya azad agent statusuna malik futbolçularla danışıqlara başlayır. İndidən heyətlərini gücləndirməyə çalışan klubların hərəkətə keçdiyini söyləmək olar. Bir çox futbolçuların adları iddialı klublarla hallanmağa başlayıb. Bu futbolçulardan biri də, Azərbaycan futbolunda kifayyət qədər ad çıxarmış,titullu oyunçulardan hesab edilən Araz Abdullayevdir. Futbolmedia.az saytının etibarlı mənbədən aldığı məlumata görə, Araz Abdullayevi iki iddialı Azərbaycan klubu heyətinə qatmaq uğrunda əməllicə mübarizəyə girişib. Dəqiq desək,”Sabah” və “Qəbələ” klubları Arazı komandalarında görməyə maraqlıdır. Onların bu cənfəşanlığını başa düşmək olar. Çünki Araz Abdullayev kifayyət qədər titullu futbolçudur.

Bundan başqa onun Avropa yarışlarında xeyli təcrübəsi var. Vaxtı ilə “Neftçi” klubu ilə Avroliqanın qrup mərəhələsinə vəsiqə qazanan futbolçu kifayyət qədər güclü Avropa klublarına qarşı forma geyinib. Bundan başqa A. Abdullayev İngiltərənin məşhur “Everton” klubuna transfer olunmuşdur. İlərlə legioner həyatı yaşayıb. Yunanıstan Super Liqasında top qovub. “Sabah” və “Qəbələ” Araz kimi sürətli, texnikalı, həm sağ, həm də, sol cinahda mükəmməl oynamağı bacaran yerli futbolçuya çox ehtiyyac duyur. Aldığımız məlumata görə, bu iki klub futbolçuya kifayyət qədər yaxşı məbləğ təklif edib. Əgər işlər yaxşı gedərsə, mövsümün sonunda bu iki klubdan biri Arazın yeni iş yeri olacaq. Onu da, xatırladaq ki, Araz Abdullayevin hazırda heç bir klbla müqaviləsi yoxdur. Azad agent statusuna malikdir.