Azərbaycan Premyer Liqasında artıq mövsüm başa çatdı. Çempion və avropa yarışlarlarına gedəcək klubların adlarına aydınlıq gəldi. Məhz indidən artıq bir çox futbolçuların adları yeni iş yerləri ilə hallanmağa başlayıb. Elə bir çox klublar da, çempionat ərzində göz-altı etdikləri futbolçuları transfer etməyə başlayacaqlar. Bir neçə istedadlı, texnikalı və gənc futbolçularımız var ki, ölkə klublarımızla yanaşı, avropa klublarının da, göz qoyduqlarını söyləmək olar. Bu futbolçulardan biri də, Ədilxan Qaraəhmədovdur. Etibarlı mənbədən aldığımız məlumata görə, “Səbail”lə müqaviləsi başa çatan futbolçu Türkiyə klublarının diqqətini çəkib. Bildiyimizə görə, Ədilxan Qaraəhmədiv Türkiyə 2-ci liqasında çıxış edən iki klubdan yaxşı təklif alıb. Əgər danışıqlarda razılaşarlarsa, Ədilxan növbəti mövsüm Türkiyə Liqasında görə bilərik. Lakin bir məsələdə var ki, yerli klublardan olan avropa yarışlarında iştirak edəcək “Zirə” və “Sabah”da, futbolçuya sərfəli təklif göndərib. Məhz bu üzdən Ə. Qaraəhmədov məhsuliyyətli bir seçim gözləyir. Hər halda belə istedadlı futbolçunu bütün iddialı klublar komandasında görmək istər.