Azərbaycan Premyer Liqasının 18-ci turu artıq geridə qaldı. Maraqlı və gərgin oyunların keçdiyini söyləmək olar. Lkin indidən söyləmək olar ki, Avrokuboklara gedəcək klublar hansı olacaq. Əlbəttə ki, “Qarabağ” bu məsələdə lider olaraq qalır. “Neftçi”, “Zirə” “Sabah” və “Qəbələ” də bu yöndə sonacan vuruşur. Artıq bu klubların da gizlin-gizlin transfer məsələlərində aktivləşdiyini söyləmək olar. Belə ki, indidən Azərbaycan Premyer Liqasında çıxış edən yerli istedadlı futbolçuları komandalarına çəkmək üçün hərəkətə keçiblər. Bir neçə futbolçular var ki, mövsümün sonunda artıq hazırki komandalarını tərk edəcəkləri məlumdur. Belə desən onların içərisində bir neçəsəi var ki, belə desək, üzərində klublar əsl mübarizəyə qoşulub. Bnlardan biri də, “Keşlə”nin əsas heyət üzvü Tərlan Quliyevdir. Bu futbolçunun səhvsiz oyunlarına, göstərdiyi statistikaya baxsaq, təcüblənərik. Döğurdan da, öz mövqeyində səhvsiz oynayan üç futbolçudan biridir. Hətta komandası böyük hesabla “Qarabağ”a məğlub olduğu halda, buraxılan 6 qolun birində belə Tərlan Quliyevin səhvi yox idi. Ümumiyyətlə, ampulası müdafiəçi olsa da, komandasının hücumlarında çox aktiv iştirak edən, fiziki göstəriciləri yüksək futbolçudur. Etibarlı mənbədən aldığımız məlumata görə, T. Quliyev mövsümün sonunda “Keşlə”dən gedə bilər. Çünki ona “Zirə” və “Sabah” klublarından yaxşı təkliflər gəldiyi deyilir. Həm “Sabah”ın baş çəşqçisi Murad Musayev, həm də, “Zirə”nin baş məşqçisi Rəşad Sadıqovun bu futbolçunu öz ixtiyarında görmək istədiyi bildirilir. Görünən odur ki, “Keşlə” bu futbolçunu razı sala bilməsə, T. Quliyev bu iki iddialı klubdan birini seçəcək.