Mövsümün sonu yaxşınlaşdıqca klubların və futbolçuların transfer xəbərləri dolaşmağa başlayır. Artıq indidən bir çox klublar komandalarını gücləndirmək üçün futbolçularla danışıqlar aparırlar. Bir çox iddialı klublar heyətlərini daha təcrübəli futbolçularla zənginləşdirməyə çalışırlar. Artıq indidən kimlərin öz hazırki klublarını tərk edəcəkləri hiss olunur. Avroliqada mübarizə aparmaq iddiası olan "Zirə” və “Sabah” bir neçə futbolçunu artıq göz-altı edib. Aldığımız məlumata görə “Keşlə”nin futbolçusu Tural Axundov “Zirə”nin və daha doğrusu klubun baş məşqçisi Rəşad Sadıqovun transfer siyahısındadır. Bildiyimizə görə, “Neftçi” ilə oyunda özünü yaxşı tərəfdən göstərən futbolçunu komandasına gətirməyi daha da, qətiləşdirib. Xatırladaq ki, “Neftçi” ilə matçda oyunun ən yaxşılarından biri Tural Axundov idi. Onun dəfələrlə komanda yoldaşlarına gözəl qol ötürmələri, topla möhtəşəm davranışı möhtəşəm görüntü yaratdı. Oyun ərzindəki soyuqqanlılığı R. Sadıqovun çox xoşuna gəlib. Xatırladaq ki, Rəşad Sadıqov da, həm soyuqqanlı, həm də, yaşlı vaxtlarına qədər böyük futbolda top qovub. Bundan başqa T. Axundovun adı daha bir iddialı klub olan “Sabah”la da, hallanır. Təcrübəli futbolçu hələ ki, seçim etməyə tələsmədiyi bildirilir. Çox güman ki, mövsümün sonu bu iki klubdan biri ilə müqavilə imzalanacaq.