Dünən Azərbaycan Premyer Liqasının növbəti oyununda "Zirə" - "Şamaxı" matçı keçirilidi. Çoxları "Zirə"nin qalib gələ biləcəyini təxmin etsə də, "Şamaxı" klubu gənc futbolçuları ilə daha bir sensasiyaya imza atdı. Səfərdə (2:2) edərək aktivlərinə daha bir xal yazdı. Çempionatın ən maraqlı, daha çox diqqət cəlb edən klublarından biri "Şamaxı"dır. Heyətindəki gənc və Azərbaycanlı futbolçularla hər kəsi təəccübləndirməkdə davam edir. Belə davam edərsə, mövsümün sonunda "Şmaxı"nın bir çox istedadlı gənclərini daha iddialı klublarda görə bilərik. Artıq bir neçə futbolçunun adı daha iddialı klublarla hallanmağa başlayıb. Bu futbolçuların biri də, "Şamaxı"nın hücumçusu Rövşən Şahmuradovdur. Bu futbolçunin oyununu izlədikdə səviyyə fərqini görmək mümkündür. Etibarlı mənbədən aldığımız məlumata görə R. Şahmuradov daha iddialı klubların diqqətini cəlb etməyi bacarıb. Bir müddət öncə futbolçuya "Sumqayıt" klubunun elçi düşdüyünü yazmışdıq. İndi isə daha iddialı olan "Qəbələ" və "Neftçi"ni də, ona maraq göstərdiyi deyilir. Çox güman ki, R. Şahmuradov mövsümün sonunda "Şamaxı"nı daha iddialı kluba dəyişə blər.