Azərbaycan Premyer Liqasının sonu yaxınlaşdıqca klublar haqda transfer şaiələri dolaşmaqda davam edir. Bir çox iddialı klublar artıq yaxşı və gənc futbolçularımızın ovuna çıxıb. Hətta “Səbail”, “Keşlə” iddiasız olan klubların da, indidən transfer çalışmalarına başladığını söyləmək olar. Çünki artıq indidən hansı klubun iddiası, tutacağı mövqe, hamıya bəllidir. Avrokubok yarışlarında mübarizə aparmaq iddiasını özündə saxlayan “Zirə” və “Sabah” klubları gənc istedadların transferi üçün çalışmalara başlayıb. Bu gənc və istedadlı futbolçulardan biri “Səbail”in formasını geyinən Ədilxan Qaraəhmədovdur. Etibarlı mənbədən aldığımız məlumata görə Ə. Qaraəhmədovun “Səbail”lə olan müqaviləsi mövsümün sonu başa çatır. Buna görə, futbolçu artıq “Zirə” və “Sabah”ın ona qarşı olan marağına müsbət cavab verib. Çox güman ki, yaxın zamanda futbolçu klublarla danışıq masasına oturacaq. Məncə həm “Zirə” həm də,”Sabah” klubları bu futbolçu uğrunda mbarizə aparmaqda israr edəcək. İstənilən halda, Ədilxan Qaraəhmədovu komandasına transfer edəcək klub bundan yalnız qazana biləcək. Aldığımız məlumata görə futbolçuya Türkiyə 2-ci liqasında mübarizə aparan tanınmış klublardan da, təkliflər gəlib.