Azərbaycan Premyer Liqasında mövsümün sonu yaxşınlaşdıqca transfer xəbərləri dolaşmağa başlayıb. Bir neçə klubumuz var ki, avrokubokda iştirakı demək olar ki, dəqiqləşib. “Qarabağ”dan başqa “Neftçi”, “Zirə” və “Sabah” klubları avrokubok yarışlarında iştirak etməyə namizəddirlər. Bu üzdən adlarını sadaladığımız klublar güclü, səviyyəli yerli futbolçuların ovuna çıxmağa indidən start götürüblər. Bu mövsüm çempionluq və avrokubok iddiası olmayan klubların heyətində də, yaxşı oyunları ilə fərqlənən futbolçular oldu. Etibarlı mənbədən aldığımız məlumata görə avrokubok yarışlarında iştirak etmək şansı olan “Sabah” komandası legionerlərin transferi ilə yanaşı,yerli futbolçuları da artıq transfer siyahısına yazıb.

Bu futbolçulardan biri, “Səbail”in müdafiəçisi Adil Nağıyevdir. Aldığımız məlumata görə “Sabah” klubunun baş məşqçi Murad Musayev rəhbərlikdən bu futbolçunun transferini mövsümün sonunda həyata keçirməyi xaiş edib. Uzun boyu, yüksək fiziki göstəricilərinə malik olan Adil Nağıyevin mövsümün sonunda “Sabah”dan alacaq sərfəli təklifə hə deyəcəyi gözlənilir. Digər Premyer Liqa klublarının da, müdafiəçiyə maraq göstərdiyi deyilir. Onu da qeyd edək ki, Adil Nağıyevin "Səbail"lə müqaviləsinin müddəti may ayının sonu bitir. Deyilənə görə, “Səbail” komandası növbəti mövsüm daha iddialı olacaq. Komandanın büdcəsinin yüksək məbləğə qədər artırılacağı gözlənilir.