"Turan Tovuz" klubunun əsas üzvü Tərlan Quliyevin Futbolmedia.Az saytına müsahiəsi.

Tərlan mətbuata açıqlamanda “Şamaxı” ilə səfər oyununuz çox ağır keçəcəyini bildirmişdin. Çox gərgin keçən oyunda minimal hesabla qalib gələrək, evə 3 xalla döndünüz?

Mən qabaqcanadan həm demiş, həm də, mətbuata açıqlamamda bildirmişdim ki, çox ağır oyun olacaq. Bu bir 6 xallıq qarşılaşma olacaq. Elə gözlənildiyi kimi də, oldu. Rəqib komanda öz meydanında çox təhlükəli olur. Buna görə də, matçın ilk hissəsi kəşfiyyat xarakterli keçdi. Hər iki komanda təmkinli oynadı. Sadəcə, bizim əlimizə düşən şansdan yararlanmağı bacardıq. Şükürlər olsun ki, biz qol vurduq. Və meydandan 3 xalla ayrılan tərəf olduq.

Qola gəlincə, Tərlan çox gözəl qol vuraraq “Turan Tovuz”a qələbə qazandırdın. Sənin qolun sayyəsində komanda turnir cədvəlində vəziyyətini daha da, yaxşılaşdırdı. Vurduğun qol haqqında danışmağını istərdim. Ümumiyyətlə, qol vuracağını gözləyirdin?


Çox sevinirəm ki, komandamın qələbəsində əsas pay sahibi mən oldum. Vurduğum gözəl qolla “Turan Tovuz”a qələbə qazandırdım. Çox şükürlər olsun. Buna təkcə öz adımdan deyil, bütün komanda, azarkeşlər adından çox sevinirəm. Biz birlikdə, kollektivlə qalib gəldik. Əslin bizim komandada kimin qol vurması önəmli deyil. Əsas odur ki, komandamız qalib gəldi. Bu oyun 6 xalla bərabər oyun idi. Əslində mənim oynadığım klublarda qollar vurmuşam. Ona görə də, hiss edirdim ki, qol vuracam.

Növbəti turda “Kəpəz”lə Qərb derbisi olacaq. Hər zaman böyük azarkeş kütləsi önündə keçriləcək oyun çox marağa səbəb olur. Bu oyunla bağlı fikirlərin?

Düzünü deyim ki, “Kəpəz”lə oyunlarımız həmişə çətin və ağır keçir. Düşünürəm ki, bu oyun da, ağır keçəcək. Gəncə klubu “Qəbələ” və “Qarabağ” kimi güclü klublarla oyunda xal qazanıb. Qollar vurub. Buna görə də, təhlükəli rəqibdir. Yaxşı futbolçuları var. Ön xətt futbolçuları da, çox təhlükəlidir. Bir sözlə, komanda şəklində vuruşan kollektivləri var.

Qələbə şanslarınızı necə görürsən?

Evdə azarkeşlərimiz qarşısında meydana çıxacağıq. Lkain çətin bir oyun olduğu üçün indidən dəqiq nəsə demək olmur. Bəlkə də, bir xallıa oyun ola bilər. Düşünürəm ki, kim meydanda sonacan mübarizə aparacaqsa, qalibiyyəti də, qazana bilər.

Əli HƏYATİ