"Turan Tovuz" klubunun futbolçusu Tərlan Quliyevin Futbolmedia.Az saytına müsahibəsi.

Tərlan iki turdu ki, qələbə qazana bilmədiniz. Düzdü, ilk oyunda çox güclü “Qarabağ”a məğlub oldunuz. Bunu başa düşmək olar. Lakin ikinci oyunda heç də, güclü olmayan, “Sumqayıt”a məğlub oldunuz. Komandanın əsas fiqur futbolçularından olaraq buna münasibət bildirərdin?

Deyim ki, “Sumqayıt”la oyuna yaxşı hazırlaşmamışdıq, yalan olar. “Qarabağ”la oyuna necə hazırlaşmışdıqsa, “Sumqayıt”la qarşılaşmaya belə hazırlaşdıq. Düzdü, “Qarabağ”a qarşı oynadığmız oyunu, “Sumqayıt”la matçda təkrarlasaydıq, indi 3 top fərqi ilə qələbə qazanardıq. Biri var ki, rəqib komandanın hücumları, yaxşı oyunu sayyəsində qapında qol görəsən. Biri də, var ki, uşaq səhvlərindən qol buraxasan. Bəxtsizlikdənmi, kobud səhvlərdənmi buraxdığımız qollar bizə çox təsir etdi. Rəqib komandanın da, meydanda mübarizə apardığını danmaq olmaz. Lakin heç də, ruhdan düşmürük. Çünki qarşıda bizi uzun bir marafon gözləyir. Əlimizdən gələni edəcəyik ki, növbəti oyunlarda daha yaxşı nəticələr qazanaq.

Qapıçı Tərlan Əhmədlinin, eyni zamanda müdafiənin də, çox kobud səhvləri oldu. Konkret olaraq sənin səhvini görmədim. Bəlkə də, ən səhvsiz futbolçu sən idin. Yəqin ki, matçdan sonra baş məşqçi Ayxan müəllim səhv edən futbolçuları, ümumiyyətlə komandanı sərt tənqid edib?

Əlbəttə ki, çox kobud səhvlərdən sonra baş məşqçi öz iradını bildirməlidir. Bunu çox təbbi qarşılayıram. Çünki istənilən baş məşqçi belə səhvlərə göz yuma bilməz. Ən azından ona görə ki, növbəti oyunlarda bu cür səhvlərə yol verməyək. Bundan bir nəticə çıxartmalıyıq. Buna görə də, Ayhan müəllim çox haqlı olaraq bizə iradlarını bildirdi. Tənbeh mütləqolmalıdır.. Bunlardan nəticə çıxartmaq lazımdır. Çünki biraz təriflədilər deyə göylərdə gəzirdik. Belə götürəndə nəsə böyük bir iş görməmişik.

Növbəti oyunda sensasiyalar edən “Şamaxı” ilə qarşılaşacaqsınız. Bu oyundan nə gözləyirsən?

“Şamaxı” ən ehtiyyat etdiyimiz klublardan biri olmalıdır. Çünki heyətində kifayyət qədər meydanda 90 dəqiqə qaçan gənc futbolçular var. Onların çoxusunu yaxşı tanıyıram. Mübariz bir komandadır. Onlarla oyunlarımız çox gərgin keçib. “Şamaxı”da keçiriləcək növbəti oyun çox gərgin keçəcək. Çünki onlar bizi məğlub edərlərsə, xal baxımından bizi ötüb keçirlər. Turnir cədvəlində vəziyyət gərginləşəcək. Biz sensasiya olmasına izin verməməliyik. Əgər meydanda gəzişsək, diqqətli olmasaq, belə uşaq səhvlər buraxsaq, hər şey ola bilər. Biz heç bir komandaya yuxarıdan aşağı baxa biləcək komanda deyilik. Meydana qalib gəlmək üçün çıxacağıq. Buna görə sona qədər meydanda mübarizə aparmalıyıq.

Əli HƏYATİ