"Kəpəz" klubunun baş məşqçisi Tərlan Əhmədovun Futbolmedia.Az saytına müsahibəsi.

Tərlan müəllim ilk dəfə idi ki, “Kəpəz”lə Türkiyə təlim –məşq toplanışına yollanmışdınız. Ümumi götürəndə Türkiyə toplanışından razı qaldınızmı?

Bəli ilk dəfə idi ki, “Kəpəz”lə Türkiyə toplanışında oldum. Belə deyək ki, yeni komandamla, fərqli toplanış keçirdik. Qardaş bir dövlətdə hazırlıq prosesi keçmək, komandanı sıfırdan hazırlamaq mənim üçün xoş oldu. Bu da, bir tarixdir. Düşünürdük ki, komandanı fasilədən istifadə edərək, komandanın çatışmayan cəhədlərini aradan götürək. Onlar üzərində çox çalışdq. Yeni transferlərin komandaya uyğunlaşması, futbolçuların xətlər-arası əlaqəni daha yaxşı bərpa etmək üçün müəyyən işlər gördük. Bu cür toplanışlar komandaya çox faydalıdır. Səfərdə keçirdiyimiz bir neçə yoxlama görşlərimiz oldu. Hə biri ayrı bir dövlətin komandası oldu. Bütün bunlardan sizin xəbəriniz var. Hər bir klub həm mintalitet, həm də. Futbol baxımından fərqlidirlər. Məhz bu klublarla oyunlarda komandamız inkişaf edir. Oyun təcrübəsi üçün çox faydalıdır. Gəncə klubunun heyətindəki gənc futbolçulara çox faydalı oldu. Yəni əla bir təcrübə qazandılar. Serbiya klubu fərqli bir oyun, futbol nümaiş etdirdi. Çox aqressiv, sürətli bir oyun üslubları vardı. Bir sözlə, bizim üçün bu toplanışda istəklərimizi həyata keçirtdik. Hər şey praqram üzrə oldu. Mən bir baş məşqçi kimi razı qaldım. Düzdü, müəyyən mənada bir neçə futbolçuların xəstələnməsi, qrip epidemiyasına yoluxması, müəyyən problemlər yaratdı. Lakin ümumi götürəndə, kollektivin mehriban olması, oyun təcrübəsi qazanmsı, fiziki durumun yüksəlməsi üçün əla bir fürsət oldu.

Türkiyədəki keçirdiyiniz yoxlama oyunlarda qələblər qazandınız. Bu nəticələri, oyunu necə dəyərləndirərdiniz?

Bu oyunlar yoxlama görüşləridir. Yəni, nəticələr O qədər də, əhəmiyyət kəsb etmir. Lakin futbolçuların psixoloji durumlarının yüksəlməsi, özlərinə inamlarının artması üçün qalib gəlmək çox vacibdir. Mən bütün yetirmələrimə bildirmişdim ki, hərbir oyuna mütləq qalibiyyət üçün çıxırıq. Yəni bizim üçün bütün oyunlar professional komanda olaraq çox vacibdir. Həmçinin futbolçularda bir özümə inam yaratmağa çalışırıq. Hər bir oyuna məhsuliyyətlə yanaşmalarını tələb edirik. Bir peşəkar futbolçu üçün bu amillər çox vacibdir. Məhz bu üzdən çox oyunlarda qalibiyyətlər qazandıq. Mən bir baş məşqçi kimi də, hər zaman qalibiyyət ruhunu üstün tuturam. Əslində, mən də, komandamın belə qalibiyyətləri, heç –heçələrini düzünü deyim ki, gözləmirdim. Lakin mənim üçün tam olaraq nəticə çox da, önəmli deyil. Əsas məslə, futbolçuların fiziki hazırlığı, oyun praktikasının qazanılması, xətlərarası əlaqənin inkişaf etməsi, futbolçuların yaxşı formaya düşməsi, psixoloji durumun yüksəlməsi və sair önəmlidir. Ümumi götürəndə belə nəticələr mənim üçün gözlənilməz oldu.

Yeni transferlər də, sizinlə birgə Türkiyə toplanışında iştirak etdi. Tərlan müəllim bir baş məşqçi olaraq onların hazırki durumu sizi qane etdimi?

İki futbolçu bizə birbaşa Türkiyədə qoşuldu. Digərləri isə bizimlə Bakıda məşqlərə qoşulmuşdu. Həm Abdulla, Junior, Azərbaycanda bizimlə birgə məşqlər edirdi. Bu dörd futbolçunun durumu məni qane edir. İdris, Abdulla, Junior, Mario bu futbolçuların performansları məni qane edir. Bir müddət hazırlıqlardan sonra onların da, optimal fiziki hazırlıqlarının bərpa ediləcəyini düşünürəm. Düşünürəm ki, bu futbolçular komandamıza daha tez uyğunlaşacaq. Mustakis hazır olmasa belə Türkiyə toplanışında müəyyən çatışmamazlıqları aradan qaldırdıq.Lakin hələ ki, komandaya uyğunlaşmaq, oyun praktikasında axsamalar var. Uzun müddət məşqsiz qaldığı üçün bu problemlə üzləşdik. Əlimizdən gələni edirik ki, onu optimal formaya qaytaraq. Bunun üzərində çox ciddi iş görürük.

Bir neçə gündən sonra fasilədən sonra çempionat davam edəcək. Komandanızı bu vaxta qədər hazır olacaqmı?

Fasilədən sonra bütün klublar çempionat oyunlarına tam hazır ola bilmirlər. Yəni bir nçə turdan sonra komanda oturuşur. Yəni yoxlama oyunları başqa, vacib qarşılaşmalar başqadır. Bu oyunlara yanaşma və motivatsiya tam başqa olur. Çempionatda yaranan fasilə istər-istəməz klubların oyunlarına, futbolçuların fiziki durumuna, oyun praktikası baxımından təsir edir. Düşünürəm ki, çempionat ərzində oyundan –oyuna istədiyimiz səviyyəyə çatdırmaq olar. Ancaq yoxlama oyunları göstərdi ki, komandam pis durumda deyil. İnşəallah hansısa fors-major hadisələr baş verməsə,komandamız gözəl oyunu ilə “Kəpəz” sevərləri sevindirəcək. Ən əsası onu da, deyim ki, komanda yüz faiz hazır deyil. Fikrimcə, bu az müddətdə heç bir klub 100 faiz hazır ola bilmir. Çünki hazırlıq üçün zaman çox azdır. Lakin əlimizdən gələni edəcəyik. Unutmayaq ki, bizi qarşıda ağır, çətin və uzun bir marafon gözləyir.

Heyətdə və sistemdə dəyişikliklər gözlənilirmi?

Əlbəttə ki, heyətdə dəyişikliklər olacaq. Yeni transferləri nəzərə alaraq deyirəm. Bundan başqa bilirsiniz ki, bizim bir neçə futbolçumuz cəzalı durumda olduğu üçün ayın 24-də komandaya kömək edə bilməyəcək. Buna görə də, dəyişikliklər mütləqdir. Sistemə gəldikdə isə hə oyunda bizim fərqli –fərqli taktika ilə yanaşırıq. Çünki hər bir rəqibə qarşı fərqli oyun sistemi, taktika ilə oynayırıq. Lakin bu barədə çox söz deyə bilmərəm. Çünki bu hər bir məşqçinin, komandanın özünə məxsus sirridir.