"Kəpəz" klubunun kapitanı Tural Axundovun Futbolmedia.Az saytına müsahibəsi.

Tural Türkiyə toplanışına qoşuldunuz. “Kəpəz” yaxşı toplanış keçirdiyini, transferlər etdiyini, qələbələr qazandığını gördük. Klubun kapitanı, təcrübəli futbolçusu kimi bu Türkiyə təlim –məşq toplanışını dəyərləndirərdin?

Əlbəttə ki, bu toplanış bizi qane etdi. İstənilən kluba belə bir təlim –məşq toplanışına ehtiyyacı var. Tərlan müəllim də,bu toplanışın önəmli olduğunu bildirmişdi. Məşqlər zamanı da, həm baş məşqçi, həm də, futbolçular çox həvəslə məşq edirdi. Komandanın fiziki durumunu yüksəltmək üçün baş məşqçi əlindən gələni etdi. Bir neçə yoxlama oyunu keçirdik. Qələbələrimiz oldu. Bu o deməkdir ki, komanda bu toplanışa çox böyük istəklə, həvəslə yanaşdı. Komanda daxilində otmasfer höküm sürür. Belə oyunlar mütləq lazımdır.Təlim –məşq toplanışının vaxtı qısa oldu. Çünki ümumi zaman azdır. Əlbəttə ki, istərdik ki, daha çox vaxt olsun. Lakin bununla da, kifayyətləndik.

Gənc bir komandanın Türkiyə toplanışında yoxlama oyunlarında belə qələbələr qazanacağını gözləyrdinmi?

Əlbəttə ki, belə toplanışlarda yoxlama oyunları asan keçmir. Çünki ağır məşqlər olur. Həmçinin, yoxlama oyunları nəticə baxımından önəm daşımır.Sadəcə, belə tip oyunlar futbolçuların fiziki hazırlığını, oyun təcrübəsinin olması üçün çox vacibdir. Futbolçular bu qələbədən əla motivatsiya aldığını söyləmək olar. Çünki baş məşqçimiz Tərlan müəllim də, komandaya hər oyuna, istənilən oyuna qələbə əzmi ilə çıxmağı tapşırır.

Yeni transferlər necə təsir bağışladı?

Junioru lap əvvəldən tanıyırdım. Hətta Yaşar müəllimin vaxtından getdi-gəldi. Lakin “Kəpəz”ə keçidi alınmadı. Mən onu yaxşı bir futbolçu kimi tanıyıram. Siz çempionata oyunlarında da, görəcəksiniz ki, səviyyəli bir futbolçudur. İnanıram ki, komandamız üçün çox faydalı olcaq. İnanıram ki, tezliklə öz optimal formasını yığıb, “Kəpəz”ə çox xeyir verər.