Dünən Azərbaycan Premyer Liqasında daha bir maraqlı və bol qollu bir matç keçirildi. Ölkəmizin ən güclüsü, çempionu, Avrokuboklarda fırtına kimi əsən “Qarabağ” doğma meydanda keçən ilin autsayderi “Səbail”i qəbul edirdi. “Səbail”in heyəti demək olar ki, yenidən qurulub. Çoxlu sayda həm yerli, həm də, legionerlər cəlb edibilb. Elə baş məşqçisi də, yenidir. Mahmud Qurbanov Azərbaycan futbolu tarixinə adını qızıl həriflərlə yazdırmış şəxsdir. Əbəs yerə ona zamanında Professor ləqəbi verilməyib. Milli komandamızın uzun illər şərəfini qoruyub. Lakin gələk “Qarabağ” – “Səbail” matçının analizinə. Oyundan öncə, çoxları elə düşünürdü ki, Mahmud Qurbanovun komandası “Qarabağ” önündə aciz qalacaq. Hətta hesabın (6:0) (8:0) olacağını təxmin edənlər vardı. Lakin tam əksini gördük. “Sabail” həm oyndadı, həm də, çempionun qapısına qol vurdu. Mən hələ oyun ərzində “Qarabağ”ın qapısı qarşısında yaradılan bir neçə real qolu demirəm. “Səbail” bu imkanları boşa verməsəydi, nəticə başqa cür ola bilərdi. Baxın oyunun (03:57) dəqiqəində “Səbail” “Qarabağ”ın qapısı ağzında təhlükəli cərimə zərbəsi yerinə yetirir. Frankonun zərbəsində azacıq dəqiqlik çatmadı. Bundan iki dəqiqə sonra oyunun 6-cı dəqiqəsində qonaqlar künc zərbəsindən az qalmışdı ki, hesabı aça bilərdi. Yenə də, dəqiqlik çatmadı. Mahmud Qurbanovun yetirmələrinin ilk hissənin ən real qol imaknı qarşılaşmanın 23 dəqiqəsində qaçırır. Rahid Əmirquliyevin qapı ağzına ötürməsini 11 nömrəli futbolçu Qoba Zakpa boşa verir. Bu ən real qol imkanlarından bəlkə də, ən yaxşısı oldu. Təssüfflər olsun ki, bəxtsizlik və yeni qurulmuş heyət, öz sözünü deyir. Ən əsası odur ki, Mahmud Qurbanov və komandası "Qarabağ"ın adından, gücündən çəkinmədi. Meydanda sonacan mübarizə apardı. Bəli “Səbail”in oyununda xətlər –arası əlaqə istənilən səviyyədə deyildi. Lakin bu problem deyil. Bütün dünyada, btün klublarda bu yaşanır. Bunun üçün zamana ehtiyyac var. “Qarabağ” illərdi oturuşmuş heyətə malik güclü komandadır. Onlarla başa –baş oynamaq nəinki “Səbail”in heç güclü heyətə, maliyəyə, legionerlərə məxsus olan “Neftçi” də edə bilmir. Dünən oyun zamanı Mahmud Qurbanovun futbolçulara verdiyi tapşırıqlar. Oyun planında möhtəşəm gedişatları gördüm. Həm taktiki, həm sistematik olaraq gedişatların dəyişdirilməsi Mahmud Qurbanovun yüksək futbol biliyindən xəbər verir. Bundan başqa oyun gedişatında etdiyi dəyişiklliklər belə komandasının oyununa müsbət təsir göstərirdi. Elmir Tağıyevin cinahı gücləndirmək üçün vaxtında meydana atılması, qol vurası belə hesablanmış gedişat idi. Düşünürəm ki, “Səbail”in növbəti oyunları daha parlaq, yaxşı nəticəyə hesablanacaq. İlk oyunda çempiona qarşı oynamaq çox çətin idi. Fikrimcə, Mahmud Qurbanovun rəhbərliyi altında bu mövsüm çox əzimkar və hücuma meyilli bir “Səbail” görə biləcəyik. Klub rəhbərlikləri Azərbaycanlı baş məşqçilərə uzun zaman, çox vaxt verməlidir. Qarşısına bir neçə turluk nəticə şərti qoyulmamalıdır. Buna Qurban Qurbanov misalı göstərmək olar. Rəhbərliyin inamı, ona uzun vaxt verməsinin bəhrəsini bu gün “Qarabağ” görür. Bir sözlə, dünənki “Qarabağ”la oyunda rəqibin adından, gücündən, imicindən çəkinməyən “Səbail” gördüm. Şəxsən mən bir tənqdiçi jurnalist olaraq dünənki oyundan sonra Mahmud Qurbanova inamım artdı. Onun əla və döyüşgən bir komanda yaradacağına ümüdləndim. Hər halda bunu qarşıdakı oyunlarda görə biləcəyik.

Əli HƏYATİ