"Səbail" klubunun baş məşqçisi Mahmud Qurbanovun Futbolmedia.Az saytına müsahibəsi.

Mahmud müəllim hazırda Premyer Liqanın növbəti mövsümü üçün hazırlıqlar gedir. ”Səbail”də digər klublarımız kimi bu yöndə işlər görür. Həm yerli həm də, legioner futbolçular transfer etdiniz. Bu çalışmalaırı, transferləri baş məşqçi olaraq necə dəyərləndirirsiniz?

Mən deyərdim ki, transferlərlə bağlı işlərimiz istədiyimiz kimi gedir. Yəni demək olar ki, hər şey normaldı. Həm yerli, həm də, legionerlər transfer etdik. İşlər hələ də, davam edir. Belə deyim ki, bizə lazım olacaq futbolçular qarşımıza çıxarsa, transfer edəcəyik.

Bəs yerli futbolçuların transferini bitirdinizmi. Yoxsa, hələ də, göz – altı etdiyiniz namizədləriniz var?

Ola bilər ki, 1-2 nəfəri transfer etdik. Konkret olaraq yerli futbolçuları nəzərdə tuturam. İstədiyimiz və bəyəndiyimiz futbolçular olacaqsa, heyətə qata bilərik. Ancaq maksimum 1-2 futbolçu transfer edə bilərik.

Etibarlı mənbədən aldığımız məlumata görə, dha bir futbolçunu heyətinizə qatmağa çalışırsınız. Son mövsümdə möhtəşəm təsir bağışlayan, gözəl seyvlərlə yadda qalan, De Byazinin milliyə çağırdığı qapıçı Rəşad Əzizlini sərəncamınızda görmək istəyirsiniz. Komandanın hazırda zəif mövqeyi olan qapıçı problemini həll etmək üçün “Neftçi”yə məxsus Rəzad Əzizlini transfer etməkdə israrlısınız. Bu doğrudur?

Məndə razıyam ki, Rəşad Əzizli yaxşı və istedadlı qapıçıdır. Bizim də, yaxşı qapıçıya ehtiyacımız var. Düzünü deyim ki, Rəşad Əzizli bizim nəzrimizdə, transfer siyahımızdadır. Baxaq görək necə olur. Bir qapıçı ilə də, danışıq aparırıq. Ancaq Rəşad Əzizli yenə deyirəm ki, bizim nəzərimizdə və transfer siyahımızdadır. Yəni bəyəndiyimiz qapıçılardandır.

Yəqin ki, legioner axtarışlarınız hələ davam edəcək. Yoxsa?

Bilirsiniz, biz daha çox yerli futbolçular üzərində durduq. Yəni komandamız daha çox yerli futbolçulardan ibarət olacaq. Legionerlərin bir neçəsinin transferi komandanı gücləndirməsi üçün edilib. Dşünürəm ki, legioner futbolçuların transferi kifayyətdir. Lakin ola bilsin ki, bir nəfər legioner futbolçu komandamıza qoşulsun. Biz transfer edəcəyimiz futbolçuların ölkələrinə fikir vermirik. Yəni bu braziliyalıdır. Və ya, nigeriyalıdır. Biz futbolçunun keyfiyyətini, bacarığına və mənim, komandamın oyun sisteminə uyğun gələ bilməsinə fikir veririk.



Təlim – məşq toplanışı ilə bağlı planlarınızı öyrənmək istərdik?

Hələ ki, Bakıda təlim – məşq toplanışına davam edirik. Yəqin ki, bu ayın axırlarından sonra Gürcüstana üz tutacağıq. Lakin səfərdən öncə Bakıda iki yoxlama oyunu keçirməyi düşünürük. Bundan sonra Gürcüstana yola düşüəcəyik. Həmin ölkədə də, bir neçə yoxlama oyunu keçirməyi planlaşdırmışıq. Yəni növbəti mövsümə yaxşı hazırlaşmağa çalışacağıq.

Əli HƏYATİ