Məlum olduğu kimi növbəti mövsüm Azərbaycan Premyer Liqasında “Kəpəz” və “Turan” klubları da, mübarizə aparacaq. Bu iki futbol bölgəsi olan komandanın Azərbaycan çempionatında iştirakı çox önəmli hadisədir. Belə deyək ki, maraqlı çempionat olacaq. Futbolumuz bölgələrə kimi gedib yenidən çıxacaq. Lakin hazırki durumda bu sevinci Gəncə azarkeşlərinin qursağında qoyan bir qrup ara qarışdıranlar yenə də, öz işlərindədir. Məlum məsələdir ki, “Kəpəz”in baş məşqçi sükanı arxasında Yaşar Vahabzadə olacaq. Daha doğrusu onunla müqaviləni yenilədilər. Bunu bir jurnalist olaraq çox müsbət dəyərləndirirəm. Çünki Y. Vahabzadə “Kəpəz” klubunu illərdi çalışdırıb. Yəni komandaya, bölgə futboluna və azarkeşlərinə yaxşı bələddir. Mncə, AFFA ən doğru qərarlardan birini verib. Lakin Yaşar müəlimin təyinatını gözü götürməyənlər var. Belə ki, onun hər vasitə ilə “Kəpəz”dən ayrılması üçün əlindən gələni edirlər. Əslində həmin şəxsləri nə Gəncə futbolu, nədə ki, onun taleyi maraqlandırır. Onlar yalnız öz ciblərini, maraqlarını düşünürlər. Hər vasitə ilə klubda hökmüranlıqlarını ələ keçirməyə çalışırlar. Ələrindəki bayraqlarıda, odur ki, Yaşar Vahabzadə gəncəli deyil. Bu çox absur ittihamdır. Məgər bütün klubların baş məşqçiləri həmin yerdən,həmin torpaqdan olmalıdır. Yaşar Vahabzadəyə gəlincə isə futbolçu kimi öz dəsti – xətti olub. Məşqçi kimi də, az uğrları olmayıb. Yaşar Vahabzadə milli komandada çalışıb. Onun rəhbərliyi altında U-21 yığmamız 30 illik tarixi ərzində 2 ən yaxşı nəticəsindən birini göstərib. Onun rəhbərlik etdiyi millim komanda “Antalya Cup”un qalibi olub. Bundan başqa, ötən İslam Həmrəyliyi Oyunlarında Yaşar Vahabzadə yığmamızı çempionluğa daşıyıb. Həmçinin illərdi 1-ci divizionda baş məşqçi işləyir. Yəni bu adam əlini qolunu sallayıb, futbolsuz qalmayıb. Kifayyət qədər təcrübə toplayıb.Deyillər ki, “Kəpəz” və baş məşqçisi niyə transferlər etmir. Əvvəla, baş məşqçi əmir quludur. Rəhbərlik gərək pul ayıra ki, baş məqçi də, istədiyi səviyyəli futbolçuları,legionerləri komandaya gətirsin. Hazırki durumda maliyə ilə bağlı qeyri-müəyyənlik davam edir. Lakin buna baxmayaraq, baş məşqçi “Kəpəz”də oynamış, kapitan olmuş azarkeşlərin sevimlisi Tural Axundovla müqavilə imzaladı. Təcrübəli futbolçunun komandaya çox xeyri dəyəcəyini demək olar. “Neftçi”nin qapıçısı Kamranı transfer etdilər. Və digər önəmli transferləri oldu. Legionerlərin gəlişi isə birbaşa maliyəyə bağlıdır. Pul rəsmən ayrıldıqdan sonra legionerlərin transferi dərhal reallaşacaq. Etibarlı mənbədən aldığım məlumata görə baş məşqçi Y. Vahabzadə artıq həftələrdi ki, legionerlərin oyunlarına baxır, onları dəyərləndirib seçimlər edib. Sözüm buradan Azərbaycan futboluna ləkə gətirən, onu parçalayan ara qarışdıran Gəncədəki futbol düşmanlarınadır. İmkan verin Azərbacanlı mütəxəssiz Yaşar Vahabzadə işləsin. Heç kim deyə bilməz ki, Y. Vahabzadə zəifdir. Və ya, Premyer Liqada uğursuz olacaq. Heç kim anasının qarnında öyrənməyib. Bəlkə də, baş məşqçi Yaşar müəllim daha böyük uğurlara imza atacaq. Bəs uğurlar, sensasiyalar necə baş verir. Şəxsən mən Yaşar müəllimə bir Azərbaycanlı mütəxəssiz kimi çox güvənirəm. Və bütün klublarda yerli baş məşqçilərin işləməsinin tərəfdarıyam. Bəsdirin daha Berti Foqtsları, Alberta Toresləri, Prosineçki, Obradoviç, Yurçeviçləri ölkənin pulları ilə yeməldiniz. Onları başımıza bələ etməsəydilər. İndi yerli mütəxəssizlər daha inkişaf etmiş, daha təcrübəli idilər. Gəncə klubuna Mehman Allahverdiyev də, təyin edildi. Hə di dincəlin. İmkan verin Y. Vahabzadə komandası, klubdakı problemləri ilə məşğul olsun. “Kəpəz”i növbəti mövsüm çətin Premyer Liqaya hazırlasın. Biz Yaşar Vahabzadəyə inanırıq.

Əli HƏYATİ