Mövsümün sonu yaxınlaşdıqca futbolçuların adları müxtəlif klublarla hallanmağa başlayır. Qısası transfer xəbərləri dolaşmağa davam edir. Bir çox futbolçular var ki, onların hansı kluba keçəcəyi bilinir. Digərlərinin yeniiş yerləri isə hələ də, sual altında qalıb. Etibarlı mənbədən aldığmız məlumata görə, “Səbail”in bir nömrəli qapıçısı Rəşad Əzizli mövsümün sonu iş yerini dəyişəcək. Xatırladaq ki, Rəşad Əzizli müqavilə ilə “Neftçi”yə məxsusdur. Öz kanallarımız vasitəsiylə məlumat əldə etmişik ki, R. Əzizli yenidən “Neftçi”yə qayıdacaq. Buna klub rəbərliyi və baş məşqçi qərar verib. Onun geri qayıtmasının səbəblərindən biri yüksək təcrübəsinin olmasıdırsa, digəri isə “Neftçi”yə təcili yaxşı qapıçı lazım olmasını göstərmək olar.

Nəzərə alsaq ki,”Neftçi”nin ikinci qapıçısı Kamran İbrahimovun müqaviləsinin başa çatdığı dəqiqdir. Bundan başaqa onunla klubun yeni müqavilə imzalamayacağı da, dəqiq məlumatdır. Buna “Neftçi”nin yeni meneceri Zaur Əzizov futbolçu ilə söhbətində bildirib. Klubun əsas heyət qapıçısı İvan Bırkiç isə gözlənilən ümüdləri doğrultmadı. Hətta əsas heyətdə ara –sıra yerini itirirdi. Belə olan halda “Neftçi” təcili sürətdə Rəşad Əzizovu geri qaytarmaq qərarına gəlib. Çünki hazırda “Neftçi”nin ən zəif mövqeyi məhz qapıdır. Bildiyimizə görə, R. Əzizov üçün daha 2 komanda elçi düşüb. Lakin hələ adları açıqlanmayıb. Futbolçu çox güman ki, xoş münasibət olarsa, “Neftçi”ni seçəcək. R. Əzizlinin çempionat ərzində gözəl çıxışları olub. Xüsusən bir neçə turdu ki, möhtəşəm qurtarışları ilə yadda qaldı. “Qəbələ” ilə oyunda qapısını toxunulmaz saxlayan, gözəl seyvlərlə yadda qalan, qapıçının sayəsində kamandasının qalib gəldiyini söyləmək olar.Premyer Liqanın 23-cü turunda isə ölkənin güclü klublarından biri hesab edilən “Zirə” evdə autsayder “Səbail”i qəbul edirdi. Maraqlı və bol qollu bir matç keçdi. Bu oyunda da, R. Əzizlinin bir neçə epizod zamanı komandasını real qoldan xilas etdiyi gözdən qaçmadı. Matçın 80 və 87-ci dəqiqələrində gözəl oyunla real qola imkan vermədi. Buraxılan iki qola gəlincə isə qapıçının səhvi deyildi. Bütün bunları nəzərə alsaq,Rəşad Əzizlini mövsümün sonunda yenidən “Neftçi”də görə biləcəyik.