"Şamaxı" klubunda maaş qalmaqalı böyüməkdə davam edir. AFFA və klub rəhbərliyinin dedikləri fikirlər üst-üstə düşmür. Yəni AFFA qurum olaraq bildirir ki, "Şamaxı" klubuna aid olan vəsaiti köçürmüşük. Lakin klub rəhbərliyi tam əksini deyir. Bir çox futbolçular bununla bağlı kluba mətbuat vasitəsi ilə mesaj verir. Hətta etirazını bildirməkdə davam edir. "Şamaxı"nın sabiq futbolçuları Tərlan Quliyev, Tural Axundovdan sonra Rəhman Hacıyev də, bu etiraza qoşuldu. Haqlı olaraq onlara veriləcək iki ayın maaşını tələb edirlər. Rəhman Hacıyev maaşla bağlı baş verən problemə belə münasibət bildirdi.

Futbolmedia.Az saytına rəsmi açıqlama verən Rəhman Hacıyev bunları söylədi.

"Çox doru məlumatdır ki, maaşlarımızı hələ verməyiblər. Bizə çoxdan demişdilər ki, veriləcək. Lakin hazırıki duruma qədər pul almamışıq. Çempionat başa çatıb. Futbolçular ailəsi ilə özü belə artıq istirahətə yollanırlar. Çətin və ağır mövsümdən sonra btün futbolçular dincəlməlidir. İstirahətə yollanmalıdır. Biz isə pulsuzluqdan istirahətə yollana bilmirik. İki ayın maaşını ala bilməmişik. Biz kubokun premyasını ala bilməmişik. Kuboku qazanmaq münasibəti ilə bizə premya yazılmışdı. Onu da hələ ala bilməmişik. Yaxşı, kuboku başa düşdük. Bəs maaşlarımız niyə gecikməlidir. Mətbuatdan oxudum ki, AFFA rəsmisi dəqiq mövqe bildirərək, vəsaitin "Şamaxı" klubuna köçürüldüyünü bildirib. Lakin klubdan pul yoxdur deyirlər. Belə olmaz. Bütün klublar maaşlarını alıblar. Bir tək biz pis vəziyyətdə qalmışıq. Biz futbolçular niyə əziyyət çəkməliyik ki?

Biz futbolçu həmkarlarımla bütün günü ünsiyyətdə oluruq. Maaş haqda tez-tez söhbətlərimiz olur. Bilirsiniz, hamının problemləri var. Hər kəsin maddi sıxıntıları olur. Biri ordan borc alır. Biri burdan borc götürür. Bundan başqa az maaş alan futbolçular da var. Maaş gecikən zaman məcbur olub kimdənsə borc alırsan. İndi də, borcun içində qalıb. Mən hələ istirahətə gedə bilməməsini qoydum bir kənara. Belə olmaz. Hər həftə bizi yola verirlər. İnanırıq ki, bu həftədən o tərəfə qalmayacaq. Maaşlar bu həftə veriləcək. Çünki daha futbolçuların borc almağa yerləri də, qalmayıb. Hər həftə bizi yola verirlər. Deyirlər bu həftə, o biri həftə olacaq. Nəticədə sabah iyun ayı girir. Lakin biz hələ mart ayının maaşını almışıq."

Əli HƏYATİ