Hazırda Azərbaycan Premyer Liqasında bir neçə klub var ki, onların maddi durumları yaxşı deyil. Və demək olar ki, əksəriyyəti AFFA tərəfindən ayrılan maliyə ilə yaşayır. Lakin bununla yanaşı onların şəxsi sponsorları da var. Məsələn "Sumqayıt" klubuna Kapital Bank sponsorluq edirsə, "Şamaxı" klubuna Samaya şirkəti sponsorluq göstərir. Lakin bütün bunlara baxmayaraq hələ də, aylardı maaş almayan Premyer Liqa klubu var. Etibarlı mənbədən aldığımız məlumata görə, "Şamaxı" klubunun futbolçuları 3 aydır ki, maaş ala bilmirlər. Hətta vəziyyət o qədər ağırdır ki, legionerlərin kirayə yaşadığı evin sahibləri onları evdən qovmaqla hədələyib. Əlbəttə ki, vaxtında pulu verməslər. Keçən həftə klubun bazasına gələn braziliyalı futbolçu Santos rəhbərliyə kəskin etiraz edib. Onun neçə aydır ki, maaşı ala bilməməsi üzündən evdən qovacaqları ilə hədələndiyini rəhbərliyə çatdırıb. Lakin bu etirazdan bir həftə keçsə də, futbolçuların maaşları hələ verilməyib. Deyilənə görə,klubun biabırçı məğlubiyyətlərinə səbəb olaraq biri də, budur. Son zamanlar "Şamaxı" klubunun adı ilə bağlı çox söz -söhbətlər çıxır. Hətta bir neçə futbolçunu komandadan qovduqları da deyilirdi. Çempionatın autsayderi olan "Səbail" klubunun futbolçuları, idarə heyəti belə maaşlarını vaxtı -vaxtında alıb. Hər ayın 3-ü, 5-i arası pullarını alırlar. Görəsən "Şamaxı" rəhbərliyi və AFFA nəyi gözləyirlər? aləm biri-birnə dəyəndən sonra əl - ayağa düşəcəklər.