Mövsüm başa çatsa da,bir çox problemlər qalmaqdadır. Məsələn "Şamaxı" klubunun komandadan ayrılan futbolçuların iki aylıq maaşlarını hələ də, verməməsidir. Klubun sabiq futbolçuları Tərlan Quliyev və Tural Axundovun saytımıza açıqlamasında hələ iki ayın maaşlarını almadıqlarını bildirmişdilər. Axrıncı dəfə mart ayının maaşının aldığını açıqlamışdılar. Futbolçular klubun rəhbər şəxslərindən maaşlarının nə vaxt veriləcəyini soruşduqda, onlara AFFA bizə hələ pul köçürməyib cavabını veriblər. Bütün bu məsələyə aydınlıq gətirmək üçün AFFA-nın Mətuabt Katibi səlahiyyət şəxslərindən olan Firuz Abudlla ilə əlaqə saxladıq. Məsələyə fikir bildirən Firuz müəllimin dediyi sözləri olduğu kimi sizə təqdim edirik. "

Futbolmedia.Az saytının rəsmi araşdırması.

"Sizin zənginizdən sonra məsələni araşdırdım. Və mənə dedilər ki, "Şamaxı" klubuna aid olan bütün vəsait vaxtında köçürülüb. Yəni Futbolçuların iki aylıq maaşlarının verilməməsinin səbəbi AFFA deyil. Bu problem kluba aiddir. Yaxşı olar ki, bu problemlə bağlı klub rəhbərliyinə müraciət edəsiniz. Biz tərəfdən ödənişlər edilib.

Araşdırmadan sonra məlum olur ki, futbolçuların maaşlarının verilməməsi klub rəhbərliyinə aiddir. Ola bilsin ki, bilərəkdən vermirlər. Klubdan ayrılan və artıq özlərinə yeni iş yerləri tapan futbolçuların maaşları gecikdirilir. Etibarlı mənbədən aldığımız məlumata görə, klub rəhbərliyi komandalarından ayrılan futbolçuların pullarının arxasından keçəmək istəyirlər. Yəni konkret olaraq mənimsəmək.

Əli HƏYATİ