“Dünəndən komandamızın təlim-məşq toplanışına start verildi. Komandamız bir yerə toparlandı. Düzdü, egionerlər hələ komandaya qoşulmayıb. Çox güman ki, 1-2 günə onlrda təlim-məşq toplanışına qatılacaqlar. Komandamız tam optimla heyətlə hazırlıqlarını davam etdirəcəklər. Dünəndən yüngül məşqlərə başlamışıq. Fasilədən sonra bilirsiniz ki, birdən-birə ağır məşqlər keçmək olmaz. Bu üzdən tədricən məşqlərimiz yüksək temp yığacaq. “

Bu sözləri, “Keşlə” klubunun aparıcı futbolçusu Tərlan Quliyev Futbolmedia.Az saytına açıqlamasında deyib. Yeni transfer və komandasının güclənməsindən danışan Tərlan Quliyev bunları söylədi.

“Fəhmin Muradbəyli və Frankonun transferindən xəbərimiz var. Mən Fəhmini çoxdan və yaxşı tanıyıram. İnanıram ki, Fəhminin, Frankonun komandamıza çox xeyiri dəyəcək. Bilirsiniz ki, qarşıda bizi çox çətin bir uzun marafon gözləyir. Yəni çətin oyunlar var. Buna görə də, güclənməyimizə ehtiyyac var. Güclü transferlər komandamıza ancaq xeyir verə bilər. Daha yaxşı güclənməliyik ki, mövsümün sonunu yüksək yerlərdə bitirək.