Rəşad Premyer Liqanın 25-ci turunda səfərdə “Şamaxı”ya qarşı oynadınız. Qarşılaşmada qol olmasa belə gərgin və maraqlı bir oyun oldu. Səfərdən bir xalla dönməyi bacardınız. Səncə bu xala layiq idiniz?

Şamaxıda möhtəşəm bir ab-hava vardı. Meydanda aarkeşlərin çox olması, oyuna əlavə bir rəng qatırdı. Buna görə, futbolçular daha həvəslə mübarizə aparırdı.Oyun özü də, çox maraqlı və gərgin keçdi.Hər iki komandanın qol vurması üçün real qol imkanları çox oldu.Elə bir oyun idi ki, bir qol matçın taleyini həll edəcəkdi. Düşünürəm ki, layiqli bir xal qazandıq.

Mənə görə, oyunun ən yaxşılarından birincisi sən oldun. Rəşad Əzizlinin möhtəşəm qurtarışları olmasaydı, səfərdən xalla deyil, məğlubiyyətlə dönə bilərdiniz. Bəs sən necə düşünürsən?

Düzünü deyim ki, rəqib komandanın belə real qol vəziyyətlərini yarada biləcəyini düşünməmişdim. Yəni çox təhlükəli vəziyyətlər yarandı qapımız qarşısında. Doğurdan da, bir neçə epizod oldu ki, yüz faizlik qola imkan vermədim. Hətta azarkeşlərin etdiyim qurtarışları, seyvləri, möhtəşəm adlandırdılar. Rəqib komandanın azarkeşləri belə gözəl qurtarışlarımı alqışladılar. Bu amil mənə çox xoş təsir etdi. Əsl futbol azarkeşləri gözəl futbola dəyər verməyi bacarmalıdırlar. Əlimdən gələni edirəm ki, komandama yardımçı olum. Bundan sonra da, var gücümlə çalışacam.

Elə məhz belə gözəl qurtarışların birində zədələnərək oyunu erkən tərk etdin. Hazırda durumun nə yerdıdir?

Ayağım çox ğrıdı. Gözləmədə bir zədə aldım. Hazırda ayağımda buz var. Ayağımda buzla gəzirəm. Həkimə gedib emerte etdirdim. Cavabını sabaha biləcəm. Cavab çıxdıqdan sonra müalicəyə başlanacaq.



Səncə bu zədə çox ağır olacaq, səni futboldan çox ayıracaq. Yoxsa?

Düşünürəm ki, zədə çox ağır olmayacaq. Fikrimcə, sümük ağrısıdır. İnanmıram məni futboldan çox uzaqlaşdıra. Lakin növbəti oyuna çatacağıma əmin deyiləm.

“Sabah”la oyunda komandandan nə gözləyirsən. Bilirsən ki, “Sabah” hazırda çox yaxşı oyun sərgiləyir. Böyük hesablı qələbələr qazanır. Bu oyundan xal götürmək şanslarınızı bir təcrübəli futbolçu kimi necə qiymətləndirərdin?

“Sabah” hazırda çox yüksəlişdədir. Onların “Qarabağ”la son oyunlarını da, gördük. “Qarabağ” kimi komanda ilə oyunda qollu heç-heçə etidilər. Bu onların hazırki gücündən xəbər verir. Düşünürəm ki, bizi çox çətin bir oyun gözləyir. Lakin bütün buna başxmayaraq komandamız ən azı xal götürmək üçün meydanda sonacan vuruşacaq.

Əli HƏYATİ