Azərbaycan Premyer Liqasının 18-ci turu artıq geridə qaldı. Maraqlı və gərgin oyunların keçdiyini söyləmək olar. Maraqlı və gərgin keçən oyunlardan biri də “Keşlə” – “Sabah” matçı oldu. Bu oyunda hər iki komandaya 3 xal hava-su kimi lazım idi. Buna görə də, hər iki komanda meydanda üç xal üçün sonacan vuruşdu. Bu oyunda gözəl oyunları ilə daha çox diqqət çəkən bir neçə futbolçu nəzərdən qaçmadı. Bunlardan biri də, “Keşlə”nin aparıcı üzvlərindən olan Rəhman Hacıyev oldu. Bu futbolçunun oyun üslubu, sürəti, texnikası heyran edicidir. Elə təkcə “Sabah”la oyunda komanda yoldaşı Natan Oduvaya 2-3 real qol ötürməsi verdi. Çox təəssüflər olsun ki, yaxşı formasından uzaq olan legioner bu möhtəşəm ötürmələri dəyərləndirə bilmədi. Bundan başqa Rəhman daima rəqib komandanın müdfiəsini gərgin vəziyyətdə saxlamağı bacardı. Məhz bu səbəbdən “Keşlə” rəqib qapısı qarşısında təhlükəli vəziyyətlər yaratmağı bacarırdı. Rəhman Hacıyev 1993-cü il təvəllüdlü futbolçudur. Onun hazırda olduğu yaş durumu möhtəşəmdir. Çünki bu yaş dövründə futbolçular möhtəşəm təcrübəyə malik olurlar. Bir sözlə, Rəhman Hacıyev kimi istedadlı, güclü, sürətli, texnikalı futbolçuların yeri “Keşlə” deyil. Onun daha güclü klublarda, hətta ölkə xaricində forma geyməsi daha doğru olardı. Aldığımız məlumata görə R. Hacıyev mövsümün sonu “Keşlə”ni tərk edəcək. Artıq bir neçə sərfəli və daha güclü klublardan təkliflər aldığı söylənilir.

FUTBOLMEDİA.AZ