“Neftçi” ilə oyuna qələbə üçün çıxmışdıq. Öz meydanımızda qalib gəlmək istəyirdik. Son çempionla oyunumuz çətin keçdi. Düzdü, rəqib komanda azlıqda qaldıqdan sonra üstünlük biz tərəfə keçdi. Real qol vəziyyətləri yaratmağı bacardıq. Daha üstün tərəf biz olsaq da, heçnədən qol buraxdıq. Bizim vurduğumuz qolu isə hakim saymadı. Bu amil də, nəticəyə birbaşa təsir etdi. Düşünürəm ki, qalib gəlmək üçün bizə bəxt amili yetmədi. Bundan başqa da, hakim təmiz qolumuzu qeydə almadı. Bütün bunlar nəticəyə təsir etdi. Komandamız məğlubiyyətə layiq deyildi. “

Bu sözləri, Futbolmedia.Az saytına açıqlamasında “Səbail” klubunun futbolçusu Ədilxan Qaraəhmədov deyib. Meydana sonradan daxil olan gənc istedadlı futbolçu öz oyunu haqda bunları söylədi.

“Baş məşqçimiz Aftandil müəllim məni meydana buraxdı ki, hücumlarımızın kəsəri artsın. Məndə öz üzərimə düşəni etdim. Bundan sonra hücumlarımız daha da, artdı. Kifayyət qədər real qol imkanlarımız oldu. Pressinqlə rəqibi qapısı qarşısına sıxmağı bacarmışdıq. Oyunuma gəlincə pis təsir bağışlamadım. Bunu daha çox kənardan qiymətləndirə bilərlər. Oyundan –oyuna artırıram. Öz üzərimdə daha çox çalışıram.