“Qəbələ” ilə oyuna çox yaxşı hazırlaşmışıq. Məşqlərimizi ruh yüksəkliyi ilə davam etdiririk. Bilirik ki, bizi qarşıda çətin oyun gözləyir. Bu komandaya qarşı çox oynamışıq. Lakin bizim hazırda xal baxımından durumumuz yaxşı deyil. Hər oyuna qələbə üçün çıxırıq. Lakin “Qəbələ” ilə qarşılaşma bizim üçün bir dönüş matçı ola bilər. Bu oyunda qələbə komandamızın ruh yüksəkliyini artıracaq.”

Bu sözləri Futbolmedia.Az saytına açıqlamasında “Səbail” klubunun gənc futbolçusu Ədilxan Qaraəhmədov deyib.

“Qəbələ” ilə oyunda rəqibin hansı mövqeyinin daha təhlükəli olduğunu, qələbə şanslarını dəyərləndirən futbolçu bunları deyib.” Evdə oynadığımız üçün qələbə şansımız az deyil. Əlbəttə ki, “Qəbələ” güclü komandadır. Və bu mövsüm yaxşı təsir bağışlayır. Lakin biz də, meydana qələbə üçün çıxırıq. Rəqibin güclü tərəfini isə komanda şəklində təhlükəli olduğunu söyləmək olar. Yəni bu komandanın bütün mövqeləri rəqibləri üçün təhlükəlidir.