“İlk dəfə olaraq yeni “Şamaxı” stadionunda “Neftçi”ilə qarşılaşdıq. Rəqib komandanın gücü hər kəsə məlubdur. Çox maraqlı və bol qollu bir oyun keçdi. Meydanda bacardığımızı ortaya qoyduq. Hətta hesabda da, irəlidə olduq. Vurduğumuz qol da, çox baxımlı oldu. Çox təəssüflər olsun ki, hesabı qoruyub-saxlaya bilmədik. Lakin kifayyət qədər real qol imkanlarımız oldu. Bu məğlubiyyəti kiminsə üstünə atmaq olmaz. Bütün komanda oynadı, komanda da, uduzdu. Hər şeyə rəğmən gözəl bir oyun oldu.”

Bu sözləri Futbolmedia.Az saytına açıqlamasında “Şamaxı” klubunun gənc futbolçusu Rəhman Daşdəmirov deyib. Gənc futbolçu olmasına baxmayaraq “Neftçi” kimi komandaya qarşı oynayan futbolçu öz çıxışını da, belə dəyərləndirdi.

“Premyer Liqada ilk dəfə olaraq bu mövsüm çıxış edirəm. Baş məşqçimizə və məşqçilər heyətinə təşəkkür edirəm ki, mənə də, oynamaq üçün şans yaradırlar. Əlimdən gələni edirəm ki,özümü doğruldum. Çalışacam ki, yerimi möhkəmlədim. Əlbəttə ki, öz yaxşı oyunumla. Düşünürəm ki, potensialım bundan da, yaxşı oynamağa imkan verir.”