“Biz komanda olaraq bütün rəqiblərlə oyuna qalibiyyət üçün çıxırıq. Nə qədər çox xal toplasaq, bir o qədər yaxşıdır. Çox yaxşı oyun sərgilədik. Və bunun bəhrəsini böyükhesablı qələbə ilə gördük. “Qəbələ” kimi güclü rəqibi yenməyi bacardıq. İnanıram ki. növbəti oyunlra da, bax belə ruh yüksəkliyi ilə çıxacağıq. Düzünü deyim ki. belə böyük hesablı qələbə gözləmirdim. Lakin qələbə qazanacağımıza inanırdıq.

Bu sözləri Futbolmedia.az saytına açıqlamasında “Səbail” klubunun futbolçusu İbrahim Aslanlı deyib. Özünün vurduğu gözəl qoldan da, danışan futbolçu bunları söylədi.

“Düzünü deyim ki, vurduğum qol gözəl alındı. Heç belə gözəl qol olacağını gözləmirdim. Lakin futbolda topun ayağa yaxşı oturması termini də var. Top ayağa yaxşı oturanda istədiyin nəticəni almaq olur. Əlimdən gələni edəcəm ki, daha yaxşı oyunumla komandama fayda verib. Kubok oyununda da, bir qol vurmuşam. Premyer Liqada vurduğum ilk qoldur.