“Keşlə” ilə oyunumuz çox çətin keçdi. Bəlkə də, “Sabah” olaraq ən yaxşı oyunlarımızdan birini oynaya bilmədik. Yəni istədiyimiz kimi oyun göstərə bilmədik. Çünki rəqib komanda çox sıx müdafiə olunurdu. Bu oyunu xarakter hesabına əldə etdiyimizi söyləmək olar. Şükür ki, qələbə qolunu vuraraq, 3 xalı hesabımıza yazdıq. Mənim də, bu qələbədə payımın olması çox sevindiricidir. Bu qələbəbə həm də, Avroliqaya vəsiqə qazanmaq uğrunda çox önəmli idi.”

Bu sözləri Futbolmedia.Az saytına açıqlamasında “Sabah” klubunun futbolçusu Ceyhun Nuriyev deyib. Öz oyunu və növbəti turdakı rəqiblə bağlı danışan C. Nuriyev bunları söylədi.

“ Bir oyun oldu ki, ehtiyyatda qaldım. Yəni hazırda heç bir zədəm yoxdur. Xəstə də, deyiləm. Oyunların hər birinə hazırlaşıram. Fasilədən bu tərəfə də, bütün oyunlarda iştirak etmişəm. Qarşıdakı rəqib “Qarabağ”dır. Bu daha güclü rəqiblərdəndir. Lakin bütün bunlara baxmayaraq meydanda qələbə üçün mübarizə aparacağıq. Təbii ki, qələbə şanslarımız var. Düzdü, ölkənin ən güclü komandasıdır. Lakin öz gücümüzə də, inanırıq. Biz son ölkə çempionu “Neftçi”ni də, məğlub etməyi bacarmışıq. Bu oyuna çox ciddi hazırlaşacağıq. Belə deyim kİ, mümkünsüz heçnə yoxdur. Biz asan təslim olan komanda deyilik. Yəni “Qarabağ”la oyunda qələbə üçün döyüşəcəyik."

Əli HƏYATİ