Azərbaycan futbolunun hazırki acınacaqlı durumu hər kəsin məlumudur. Xüsusən də, uşaq futbolunda olan çatışmamazlıqlar və onlara göstərilən qayğı yetərincə deyil. Hansı çətin şəraitdə bu uşaqların yetişdirilməsi isə heç kimə sirr deyil. Bütün valideyinlər övladlarının yaxşı futbolçu, yaxşı qapıçı olmasını istəyir. Buna görə də, ən yaxşı klub akademiyası, ən yaxşı məşqçi axtarır. Xüsusən də, şəraiti olan klubların akademiyalarına uşaqların axını olur. Lakin bu çətin və şəraitsizlik vıziyyətində belə çox istedadlı uşaqlar yetişdiyini söyləmək olar.

Bunlardan biri də, Said Bayramovdur. Bu istedadlı uşaq 2011-ci ildə dünyaya gəlib. Said Bayramov Azərbaycanın tanınmış qapıçısı Kamal Bayramovun oğludur. Kamal Bayramov Azərbaycan futbolunun ən yaxşı qapıçılarından biri olduğunu söləmək olar. Görünür Kamal oğlunun da, futbolçu və xüsusən qapıçı olmasına narazı olmayıb. On oğlunun məşqlərində, oyunlarında görmək olar. Futbolun və qapıçılığın sirlərini onunla bölüşür. Saidə gəlincə isə İslam Kərimovun rəhbərliyi altında futbolun və qapıçılığın sirlərini öyrənməyə başlayıb. Özünü yaxşı tərədən göstərən Said diqqətləri üzərinə çəkməyi bacarıb. Hazırda “Qarabağ” klubunda çıxış edir. Uşaq liqasında ən az qol buraxan qapıçıdır.


Bu uşağın istedadı o qədər diqqət çəkib ki, hətta özündən 1-2 yaş böyüklərin liqasında top qovur. Bu isə xoş gələcək, yaxşı prespektiv vəd deməkdir. Said Bayramov 2009-2010-cu il təvəllüdlü uşaqlardan ibarət komandaların iştirakı ilə keçirilmiş “Sabahın Ulduzları” mükəfatına da layiq görülüb. Onun çıxış etdiyi “Qarabağ” komandası hazırda turnir cədvəlində 1-ci yerdə gedir. Bu gənc istedadı daima nəzarətdə saxlamağa çalışacağıq. Belə istedadlara daim diqqət və təkan vermək lazımdır. Çünki Said kimi istedadlı uşaqlar Azərbaycan futbolunun uğurlu gələcəyidir. Onlara dəstək olmaq bizlərin mənəvi borcudur.