“Barselona”nın müdafiəçisi Jerar Martin “Bayern”in maraq dairəsinə düşüb.

Futbolmedia.az xəbər verir ki, bu barədə “Fichajes” məlumat yayıb.

Münhen təmsilçisi gələn yay 24 yaşlı futbolçunun keçidi üçün Kataloniya klubuna 40 milyon avro təklif etməyi planlaşdırır. Ancaq “Barselona” müdafiəçini heyətində saxlamaq niyyətindədir və onunla müqavilənin müddətini uzatmaq istəyir. Futbolçunun hazırkı sözləşməsində 100 milyon avroluq sərbəstqalma məbləği nəzərdə tutulub.

Martinlə İngiltərə Premyer Liqasının bir neçə klubu da maraqlanır. “Çelsi”, “Liverpul” və “Tottenhem” onun durumunu izləyir. Bundan başqa, “Milan” da ispaniyalı müdafiəçi ilə bağlı məlumat istəyib.

Martin cari mövsümdə bütün turnirlər nəzərə alınmaqla 10 oyunda meydana çıxıb. Onun komandası UEFA Çempionlar Liqasının liqa mərhələsinin 5-ci turunda, noyabrın 25-də Bakıdakı Olimpiya stadionunda “Sabah”ın qonağı olacaq.