Sənan müəllim milli komandaların oyunlarına görə yaranmış fasilədən maksimum istifadə etməyə çalışırsınız. Bildiyimizə görə, “Neftçi” ilə yoxlama oyunu keçirəcəksiniz?

Biz lap əvvəldən Samir Abbasovla danışıb, planlaşdırmışdıq ki, yoxlama oyunu keçirək. Fasilə dönəmindən maksimum yararlanaraq ara verməyək. Düşünürəm ki, bu oyun hər iki komanda üçün faydalı olacaq. Noyabırın 19 –na kimi fasiədir. Çalışırıq ki, bundan necə lazımdırsa yararlanaq.

Komanda daxilində durum nə yerdədir. Kimlər var, kimlər yox. Yəni yoxlama oyunu ilə əlaqədar futbolçularınız yetərli olacaq. Millidə olan və zədəli futbolçularınız varmı?

Hazırda, Con Kamara, Namaşko, Turan Vəlizadə, Azər Salahlı millilərdədir. Cəmi bir tək futbolçumuz var. Qalan hər kəs komanda ilə məşqləri davam etdirir. Bundan başa, gəncləri də, cəlb etmişik. Həm məşqlərdə olacaqlar, həm də, yoxlama oyununda.

Ümumiyyətlə, komandanza çağrılan gənclərin yolama oyununda özlərini yaxşı göstərsələr, əsas komandaya çağıracaqsınız?

Əslində, hazırki çempionatın gərgin durumunda daha çox əsas heyət üzvlərinə yer verəcəm. Daha çox Premyer Liqa təcrübəsi olan futbolçulardan yararlanmalıyıq. Çünki qarşıda “Qarabağ”la və digər güclü rəqblərlə oyunda birdən – birə gənclərə şans vermək düzgün olmaz. Həmçinin, bizə mütləq xallar lazımdır.

“Qarabağ” demişgən, bu oyunla bağlı nələr düşünürsünüz. Sizcə, “Neftçi” ilə oyunda qazanılan uğrun ardı “Qarabağ”la oyunda gələ bilərmi?

Glin etiraf edək ki, çox güclü və ciddi rəqibə qarşı oynayırıq. Ancaq “Neftçi” ilə oyun göstərdi ki,meydanda çox əziyyət çəkdik. Belə rəqiblərlə oyunda, daha çox qaçmalısan, daha çox mübarizə aparmalısan. Yəni meydanın hər qarışı uğrunda mübarizə getməlidir ki, nəticə qazana biləsən. Artıq “Neftçi” ilə oyunu unutmalı, “Qarabağ”la oyuna köklənməliyik.

“Qarabağ”dan bir xala bilsəniz, bunu uğurlu hesab edəcəksinizmi?

Əlbəttə ki, “Qarabağ” kimi güclü rəqibdən bir xala ala bilsək, bizim üçün uğurlu olacaq. Lakin yenə deyirəm ki, istənilən halda meydana qələbə üçün çıxacağıq. Bütün oyunlarda necə meydana qələbə üçün çıxmışıqsa, “Qarabağ”la oyuna belə çıxacağıq. Əlimizdən gələni edəcəyik ki, meydanı yaxşı nəticə ilə tərk edək.

Əli HƏYATİ