“Səhətimlə bağlı hazırda komandadan ayrı düşmüşəm. İlk olarq, biraz soyuqlamışdım. Çox da ciddiyə almadım. Fikirləşdim ki, 2-3 günə keçib gedər. Yəni daha tez sağalaram. Ancaq bilmirəm niyə belə uzun çəkdi. Koronavirus testləri etdirdim. Şükrlər olsun ki, təmiz çıxdı. Yəni koronaya yoluxmamışam. İnşəallah düzəlməyə doğru gedirəm. Həkim müayinəsindən keçmişəm. Müəyyən dərmanlarla müalicə alıram. İnanıram ki, gələn həftədən komandaya qoyuşacam.

Bu sözləri Futbolmedia.Az saytına açıqlamasında “Sabah” klubunun futbolçusu Veysəl Rzayev deyib. Komandasının bu həftə səfərdə “Qəbələ”ya qarşı oynayacağına da, toxunan V. Rzayev bunları söylədi.

Şükür Allah komandamız “Sumqayıt” üzərindəki qələbə ilə necə deyərlər “qara zolağ”dan çıxmağı bacardı. Növbəti rəqibimiz daha güclü olan ”Qəbələ” komandasıdır. Hazırda çox yaxşı oyun nümaiş etdirir. Öz meydançalarında daha yaxşı oyun sərgiləyir. Mən 12 ilə yaxın bu komandanın formasını geyinmişəm. Buna görə də, “Qəbələ” komandasını yaxşı tanıyıram.Komanda şəklində yaxşı futbol sərgiləyirlər. Lakin bütün bunlara baxmayaraq komandamıza inanıram. İnşəallah səfərdən sərfəli nəticə ilə qayıdarıq.