“Turan Tovuz” klubunun futbolçusu Faiq Hacıyevin Futbolmedia.az saytına müsahibəsi.



Faiq premyer liqanın 6-cı turunda “Kəpəz”lə matçda bir qərb derbisi baş tutdu. Bu oyunda inamlı qələbə qazandınız. Bu qarşılaşma haqqında fikirlərini bilmək istərdim?

Çox maraqlı və çətin qarşılaşma oldu. Qərb derbisi hərzaman çətin və maraqlı olur. Gəncə təmsilçisinin hazırki durumuna baxmayaraq bizimlə oyuna yaxşı hazırlaşdıqları görünürdü. Bizimlə oyunda hiss olunurdu ki, bir göri-dönüş matçı kimi baxırdılar. Rəqib komanda da, qara zolaqdan çıxmaq üçün meydanda sona qədər mübarizə aparırdı. Lakin biz bu oyunda daha yaxşı oynadıq. Düşünürəm ki, qələbəni də, layiqli olaraq qazandıq. Erkən qol vurmağımız matçın da, nəticəsinə çox təsir etdi.

Sənin premyer liqa təcrübən az deyil. Bir çox məşqçilərlə işləmisən. Tovuz komandasında da, fərqli məşqçilərlə çalışmısan. Komandanızın bu mövsümkü oyununu necədəyərləndirərdin. Çünki “Turan Tovuz” oyununu stabil olmadığını da, deyənlər var. Bəs sən necə düşünürsən?

Düzdü, bir çox oyunlarda lazımsız xal itkilərimiz oldu. Elə oyunlar olur ki, stabil oynaya bilmədik. Lakin ümumi götürəndə qələbə qazandığımız oyunlarda da, xal itirdiyimiz oyunlar da, çox ağır keçdi. Ümumiyyətlə, bu mövsümkü çempionat çox çətin keçir. Rəqib komandalar xeyli güclənib. Bundan başqa klublar artıq bir-birlərini yaxşı tanıyır. Zəif və güclü tərəflərini yaxşı bilir. Məslən, “İmişli” klubu bu mövsün hələ ki, yaxşı gedir. Müəyən oyunlard sensasiyalar edir və sair. Bütün bunları nəzərə alsaq, başa düşüləndi. Düşünürəm ki, bu mövsüm oyunumuz daha yaxşı olacaq. Sadəcə, bir az zamana ehtiyacımız var.

Necə düşünürsən, keçən ilkindən fərqli olaraq, bu mövsüm mükəfatçılar sırasında yer ala biləcəksinizmi?

Komandaya yeni transferlər olub. Düşünürəm ki, çox yaxşı futbolçularla güclənmişik. Bundan başqa əvəlki heyətin üzvlərini də, qoruya bilmişik. Komandamız çox yaxşı səviyyədədir. Hələ bu haqda danışmaq çox tez olduğunu düşünürəm. Çünki bizləri qarşıda çox uzun bir yol, marafon gözləyir. İstər –istəməz komanda da, zədəlilər də, qaçılmaz olur. Hər oyun üçün qələbəyə çıxacağıq. Düşünürəm ki, yaxşı olacaq

Faiq sənin də, qolunda kapitanlıq sarğısını gördük. Bu necə bir hissdir.

Bilirsiniz, komandanın birinci kapitanı Şəhriyardı. O, meydanda olmayanda kapitanlıq sarğısını mən daşıyıram. Həqiqətən də, kapitanlı çox böyük bir məhsuliyyətdir. Bu amil futbolçu olataq mənə həm əlavə stimul, həm də, böyük bir məhsuliyyət verir. Çalışıram ki, üzərimə düşəni layiqincə yerinə yetirim. “Turan Tovuz” kimi böyük bir klubun kapitanı olmaq mənim üçün böyük bir şərəfdir.

Futbolmedia.az