Azərbaycan premyer liqasında mövsümün başa çatmağına çox az qalıb. Belə olan təqdirdə çempionatda gərginlik daha da, artır. Bir neçə klub var ki, onların durumu çox acınacaqlıdır. Hər üç komanda yüksək liqanı tərk edə bilər. Həm “Səbail” həm “Şamaxı”, həm də “Sumqayıt bu klublardan biri ola bilər. Lakin indidən klublar və baş məşqçiləri ilə bağlı mətbuatda xəbərlər getməyə başlayıb. Etibarlı mənbədən aldığımız məlumata görə, “Sumqayıt” klubunun rəhbəri Riad Rəfiyev həm klubun, həm də, baş məşqçi Vaqif Cavadovun nəticələrindən çox narazıdır. Bir ara uzun müddət qələbəyə və qol vurmağa həsrət qalan, ardı-ardı məğlubiyyətlər sırlayan “Sumqayıt” klubu yenidən həmin xəstəliyə yoluxub. Geridə qalan 3 turda “Araz Naxçıvan”, Şamaxı” və “Zirə”yə ardı-arda məğlub olan “Sumqayıt” klubu yenidən təhlükəli zonaya düşüb. Qarşıdakı oyunlarda da, məğlub olsalar, “Səbail” qələbələr qazanarsa, Vaqif Cavadovun komandası premyer liqanı tərk edə bilər. Etibarlı mənbədən aldığımız məlumata görə klubun rəhbəri Riad Rəfiyev komandası yüksək liqada qalacaqsa, baş məşqçi dəyişikliyi edəcək. Vaqif Cavadovun qeyri –sabit nəticələrindən narazı olan R. Rəfiyev növbəti mövsüm üçün daha təcrübəli, nəticələr vermiş, məşqçilərə üstünlük verəcək. Hətta məşqçilərin adları da, bizə məlumdur. Bunlar Tərlan Əhmədov və Adil Şükürovdur. Hətta “Səbail”də qısa zamanda əla komanda quran, göz oxşayan oyunu ilə gözəl qələbələr qazanan Şahin Diniyevin də, gəlməsi gündəmdədir. Əgər növbəti oyunlarda məğlubiyyətlər olarsa, Vaqif Cavadovun istefasının daha tez reallaşa biləcəyi gözlənilir.