Misli Premyer Liqasında XI turun oyunları davam edir.

Futbolmedia.az xəbər verir ki, bu gün daha 2 matç oynanılacaq.

Günün ilk qarşılaşmasında “Araz-Naxçıvan”la “Zirə” ilə üz-üzə gələcək.

Daha sonra “Səbail” öz meydanında “Sumqayıt”ı qəbul edəcək. Hazırkı məqamda bu görüşü autsayderlərin dueli də adlandırmaq olar. Belə ki, 10 turdan sonra tərəflər hərəyə 7 xalla 8-9-cu yerləri bölüşdürürlər.

“Sumqayıt” 7 turdur qələbəyə həsrətdir. Ötən həftə baş məşqçi kimi komandada debüt edən Vaqif Cavadovun gəlişi də vəziyyəti dəyişmədi.

Bu matçda qalib gələcək tərəf həm autsayder “Kəpəz”dən bir qədər də aralanacaq, həm də turnir cədvəlində ən azı 1 günlük “Neftçi”ni geridə qoyacaq.

Statistika “Sumqayıt”ın lehinədir. Belə ki, “gənclik şəhəri”nin təmsilçisi son 5 oyunun hamısında “Səbail”i məğlub edib. Ötən mövsüm Şahin Diniyevin komandasından 12 xal alan “Sumqayıt” cari mövsümün ilk dövrəsində də rəqibini üstələməyi bacarıb. “Səbal” sumqayıtlılar üzərində sonuncu dəfə 2023-cü ilin mayında qələbə qazanıb.

Misli Premyer Liqası

XI tur

26 oktyabr

18:30. “Səbail” - “Sumqayıt”
Hakimlər: Fərid Hacıyev, Eyyub İbrahimov, Şirmamed Mamedov, Elvin Bayramov
“ASCO Arena”

16:00. “Araz-Naxçıvan” - “Zirə”
Hakimlər: Əliyar Ağayev, Zeynal Zeynalov, Akif Əmirəli, Əkbər Əhmədov
“Liv Bona Dea Arena”

27 oktyabr

17:00. “Sabah” - “Neftçi”