Azərbaycan Premyer Liqasının 12-ci turunda çox maraqlı və sensasiyalı olaylar və oyunlar oldu. “Kəpəz” Tovuzda “Səbail”i məğlub edərək Şahin Diniyevin istefasına səbəb oldu. “Sumqayıt” isə doğma meydanda “Sabah” üzərində son saniyələrdə vurulan qolla qalib gəldi. Vaqif Cavadovun rəhbərliyi altında qısa zamanda komanda ikinci qələbəsini qazandı. Gələk oyunda baş verənlərə. Qarşılaşma ərzində çox sürətli və qarşılıqlı hücumlar şəraitində keçdi. Meydan sahibləri rəqib komandanın adından, səviyyəli legionerlərindən, gücündən və pulundan qəti çəkinmədi. Ən əsası isə Vaqif Cavadov komandanı əməlli başlı dirçəldib. Futbolçuları psixoloji olaraq, bütün futbolçularda özlərinə və qələbəyə inam yaratmağı bacarb. Samir Abbasovun dövründən fərqli olaraq, futbolçular meydanda sona qədər komanda şəklində döyüşdülər. Fikir verdinizsə, meydan sahibləri rəqibdən çəkinmədilər. Ümumiyyətlə, Vaqif Cavadovun gəlişindən sonra komandada böyük bir canlanma, ruh yüksəkliyi höküm sürür. Həmçinin, komanda yeni sistemə keçib. Görünür ki, “Sumqayıt” yeni baş məşqçinin sisteminə tez alışmağa başlayıb. Konkret olaraq komanda da, yenilənmə prosesi gedir. Xüsusən də, taktiki və sistematik yenilənmənin uğurlu olduğunu söyləmək olar. Vaqif Cavadov premyer liqada artıq indidən rəqib məşqçilərin ürəyinə vəlvələ salıb. Etibarlı mənbədən aldığımız məlumata görə,klubların məşqçiləri gənc məşqçidən çəkinməyə başlayıb. Öz aramızdı, V. Cavadov 2-3 tura Samir Abbasovun və çoxlarının edə bilmədiyini etməyə başlayıb. Lakin gənc məşqçi bu uğurdan başı dönməməli, arxayınlaşmamalı, daha çox məhsuliyyətli olmalıdır. Çünki arxayınçılıq kimi insanı uçruma aparan şey yoxdur. Mən Vaqif Cavadova Alfa canavar ləqəbini vermişəm. Şikarını tutar və parçalayar. Futbol camiəsinin yeni gənc Alfa canavarı Vaqif Cavadov hələ çoxlarına baş ağrısı olacağını düşünürəm. Gənc və istedadlı məşqçi bu tempdə davam edərsə, mövsünün sonunda “Sumqayıt” adına yeni traix yaza bilər.

Əli HƏYATİ