Azərbaycan premyer liqasının 19-cu turu qış fasiləsindən sonra start götürüb. Dünən keçirilən "Sumqayıt" - Səbail" matçı həm maraqlı, həm də, gözlənilməz nəticə ilə çoxlarını təəccübləndirdi. Hər kəs bu oyunda meydan sahibləri "Sumqayıt" klubunun qalibiyyətini gözləyirdi. Lakin gözlənilənlərin əksinə meydan sahibləri çempionatın autsayderinə iki top buraxaraq, məğlub oldular. Elə bir çox tənqidlər bundan sonra başladı. Həm klub rəhbərliyinin, həm də baş məşqçi Vaqif Cavadovun ünvanına sosial şəbəkələrdə sərt tənqidlər, ittihamlar atəşi başladı. Bir çoxları "Sumqayıt" klubunun bilərəkdən autsayder "Səbail" klubuna xal verdiyini iddia edir. Digərləri Vaqif Cavadovun fasilədən əvvəlki qələbələrinin təsadüfü olduğunu, bir çox oyunlarda bəxti gətirdiyini söyləyirdilər. Şəxsən mən bir tənqidçi jurnalist , təcrübəli futbol mütəxəssizi olaraq, bu ittihamları, haqsızlıq və cəfənqiyyat hesab edirəm. İlk olaraq, nəzərə almaq lazımdır ki, fasilə zamanı klublar istədikləri kimi hazırlaşa bilmədi. Xarici ölkələrdə təlim-məşq toplanışı keçirə bilmədilər. Bir çox xarici və güclü klublarla yoxlama oyunları olmadı. Digər tərəfdən "Sumqayıt" klubu turnir cədvəlinin 6-cı pilləsində qərarlaşıbsa, "Səbail" sonuncu təhlükəli yerdədir. Ona görə də, "Səbail"in meydana ölüm -dirim savaşı üçün çıxacağı heç kimə sirr deyildi. Bundan başqa "Sumqayıt" klubunun bir neçə aparıcı futbolçusunun yayada klubu tərk edəcəyi demək olar ki, indidən bəllidir. Elvin Bədəlovun "Qarabağ"a, Kehatın "Neftçi"yə və sair keçəcəyi söylənilir. Bütün bunlar isə futbolçuların psixologiyasına təsirsiz ötüşmür. Komandanın aparıcı üzvlərində biraz rahatlama olur. Bu da, oyunlara təsirini göstərir. Vaqif Cavadovun qələbələrini təsadüfü adlandıranlara da, sözüm var. Əzizlərim, təsadüf 1-2 dəfə ola bilər. 4-5 qələbə ilə yox. Vaqif Cavadovun futbolçulara meydançada tətbiq etdiyi taktika, sistemi, kor da, görə bilərdi. Onun "Neftçi", Sabah" və sair klublar üzərində gözəl qələbələrini necə unutmaq olar. Axı Vaqifin haqqını necə yemək olar. Unutmayaq ki, Vaqif Cavadov klubun başına yeni gəlib. Yəni komandasını püxtələşdirmək üçün zamana ehtiyacı var. Bir də ki, Hər kəs bilir ki, "Sumqayıt"ın qol vuran ayağa, yaxşı hücumçulara ehtiyacı var. Hətta fasilədən öncəki oyunlarda da, bunu açıq-aydın görmək olardı. Təsəffür edin "Sumqayıt" rəqib qapıları qarsınında oyun ərzində 10 real qol epizodu yaratsa da, vuran ayaq, normal, təcrübəli hücumçusu olmadığı üçün qol vəziyyətlərini ardı-arda boşa verdilər. Axı burada Cavadovun nə günahı ola bilər? Dünənki "Səbail"lə oyunda da, real qol vəziyyətlərini dəyərləndirən düzəməlli hucumçu olmadı. Vaqif nə etməlidir? meydana çıxıb onların yerinə qol vəziyətlərini dəyərləndirməlidir? Şəxsən mən öz təcrübəmə dayanaraq deyirəm ki, "Sumqayıt" bizi qarşıda hələ çox yaxşı mənada təəccübləndirəcək. İnanın mənə Vaiqf Cavadovun inanılmaz, möhtəşəm qələbələri hələ qarşıdadır. Çünki onda bu potensialı görürəm. Cavadovun möhtəşəm qələbələri hələ qabaqdadır.

Əli HƏYATİ