Azərbaycan premyer liqasının daha bir mövsümü bir turdan sonra başa çatacaq. Artıq təxmin etmək olar ki, hansı klublar mükəfatlandırma pilləsinə yüksələcək. Kimin şansı çox,kimin azdır. Lakin hər şey sonda məlum olacaq. Lakin klublar da, indidən həm futbolçu, həm də, baş məşqçi ovuna çıxıb. Bilirik ki, "Araz Naxçıvan", "Neftçi", və hətta "Turan Tovuz" da da, baş məşqçi dəyişikliyi gözlənilir. "Səbail" isə baş məşqçisi Şahin Diniyevi hər vasitə ilə saxlamağa çalışır. Etibarlı mənbədən aldığımız məlumata görə, təcrübəli məşqçi Şahin Diniyev üçün daha iki klub mübarizəyə qoşulub. "Neftçi" indidən baş məşqçisini təyin etmək istəyir ki, transfer çalışmalarını vaxtında tamamlasın. Hazırlıqları və gələcək planlar vaxtında həyata keçirə bilsin. Hətta bizdə olan məlumata görə, "Neftçi" rəhbərliyivə birbaşa klub rəhbərliyi Fərrux Mahmudov idarə heyətinə Şahin Diniyevin nəyin bahasına olursa-olsun "Neftçi"də olmasını istəyib. Əcnəbi məşqçiləri əlcək kimi dəyişən, uğursuzluq yaşayan, ağ-qara rəhbərliyi çıxış və uğur yolunu yerli mütəxəssizlərdə tapmaq qərarına gəlib. "Araz Naxçıvan" klubunun qeyri rəsmi rəhbəri Zaur Axundov da, Şahin Diniyev üçün var gəl edir. "Qarabağ"la oyundan sonra Elmar Baxşıyevin göndəriləcəyi demək olar ki, dəqiqləşib. Bütün bunları araşdırdıqdan sonra belə qənaətə gəlmək olar ki, "Səbail" rəhbərliyi Şahin Diniyevi saxlamaq üçün çox tər tökməli olacaq. Çünki "Neftçi" və "Araz Naxçıvan"dan gələn təklif daha cəlbedicidir. "Neftçi" isə daha böyük və tarixi klubdur.