Azərbaycan Premyer Liqasında qış fasiləsi höküm sürür.Bu isə o, deməkdir ki, futbolçuların transfer xəbərləri gündəmi bəzəyir. Bir çox yerli futbolçuların transfer xəbərləri gündəmə gəlib. Mövsümün əvvəlində “Turan Tovuz”a transfer olunan Təqlan Quliyev yeni iş yerində özünü yaxşı tərəfdən göstərməyi bacardı. Tovuz klubunun müdafiəsinin dirəklərindən hesab olunan solaxay futbolçuya artıq iki klubun elçi düşdüyü iddia edilir. Bu iki klubun birinin adına aydınlıq gətirdik. Digəri isə hələ ki, anonim qalıb.

Tərlan Quliyev fasiləyə qədər ölkənin ən stabil oyun sərgiləyən 4 futbolçusundan biri hesab etmək olar. Məhz bu üzdən ona “Sumqayıt” klubundan təklif gəldiyi deyilir. Etibarlı mənbədən aldığımız məlumata görə T. Quliyev mövsümün sonunda bölgə klubunu şəhər təmsilçisinə dəyişə bilər. Onun keçidində “Sumqayıt” klubunun rəhbəri Riad Rəfiyev də, maraqlı olduğu deyilir. T. Quliyevin tanınmış meneceri ona ilk klubun “Sumqayıt” olduğunu bildirib. Çox güman ki, mövsümün sonunda T. Quliyevin şəhər təmsilçisinə keçəcək.