Azərbaycan Premyer Liqasının 14-cü turunda "Şamaxı"ya 2:1 hesabı evdə qalib gələn Vaqif Cavadovun komandası bir daha yaxşı mənada özündən söz etdirməyi bacardı. Əslində, çox ağır oyun olacağı bəlli idi. Çünki "Sumqayıt"ın rəqibinin baş məşqçisi kifayyət qədər təcrübəsi olan bir məşqçi Ayxan Abbasov idi. Elə gözlənildiyi kimi çox gərgin və bol qollu bir matç oldu. Şəxsən mən bir tənqidçi yazar və jurnalist olaraq, Vaqif Cavadovun bu oyunda qalib gələcəyini gözləyirdim. Xatırlayırsınısa, əvvəlki yazılarımda Vaqif Cavadovun hələ qarşıda çox sürprilər edəcəyini, güclü rəqiblərini, təcrübəli rəqib məşqçiləri yenəcəyini söyləmişdim. Elə belə də, oldu. Bax bu qələbədən sonra "Sumqayıt" turnir cədvəlinin 6-cı pilləsinə yüksəldi. Hazırda aktivində 16 xalı olan Vaqif Cavadovun komandası 19 xalı olan "Sabah"dan bir pillə geridə qalır. Növbəti oyunlarda da, uğurlu nəticə olarsa, mövsümün sonuna qədər stabilliyini qorumağı bacarsalar, "Sumqayıt" mövsümüm yüksək yerdə başa vura bilər. Hətta mövsümün sonunda mükəfatçılar sırasına belə düşə bilərlər. Vaqif Cavadovun gəlişindən sonra sanki "Sumqatıt"lı futbolçularda bir canlanma, böyük həvəs, yüksək potensial özünü biruzə verir. Ən əsası da, "Sumqayıt"ın oyununda başqa bir sistev, yeni bir taktika görünməkdədir. Əlbəttə ki, bu yeni sistem, taktika Vaqif Cavadova məxsusdur. Fikir verirsinizsə, Cavadovun yeni sistemi özünəməxsuz özəlliyi var. Bu sistemə qarşı hətta güclü rəqiblər, təcrübəli məşqçilər belə oynamağa çətinlik çəkir. Digər oyunlarda olduğu kimi, dünənki "Şamaxı" ilə oyunda da, V. Cavadovun məşqçi işi göz qamaşdırırdı. Komandada əhval-ruhiyyə, futbolçularda həm məşqçiyə, həm də, özlərinə inam çox yüksəlib. "Sumqayıt"ın futbolçuları qol vuran kimi baş məşqçi tərəfə, onun üstünə qaçırlar. Hiss olunur ki, qısa zamanda V. Cavadov bütün futbolçuların, komandanın, hətta rəhbərliyin hörmətini, inamını qazanmağa nail olub. Belə davam edərsə, biz mövsümün sonunda "Sumqayıt"ı daha yüksək yerlər uğrunda mübarizədə görə bilərik. Cavadovun gəlişindən sonra "Sumqayıt"ın futbolçuları qədim Roma imperiyası dövründə meydanda ölümünə döyüşən Qladiatorları xatırladır. Məhz Qladiatorlar meydanda yaralı olsalar belə sonacan ddöyüşürdülər. "Sumqayıt"ın futbolçularına Vaqif Cavadovun Qladiatorları demək olar.

Əli HƏYATİ