Azərbaycan premuer liqasının 2024-ci ili çox maraqlı oyunlar, sensasiyalar, gözlənilməz nəticələrlə yadda qaldı. "Neftçi"nin uğursuzluğu, "Turan Tovuz"un sıçrayışı sensasiya olsa da, "Sumqayıt"ın yeni baş məşqçi Vaqif Cavadovun qısa müddətdə uğurlu məşqçiliyi möhtəşəm alındı. Bəlkə də, çoxları bu 35 yaşlı gənc məşqçinin, premyer liqada daha güclü, daha təcrübəli məşqçilər tərəfindən əziləcəyini, böyük hesablı məğlubiyyətlər alacağını düşündü. Lakin Vaqif Cavadov gənc olsa da, çalışqan və potensialının olduğunu sübut etdi. Bir çox oyunlarda güclü rəiblərini məğlub etməyi bacardı. Düzdü, "Qarabağ"a, "Zirə"yə böyük hesablı məğlubiyyətləri oldu. Gəncə səfərində "Kəpəz"i məğlub edə bilmədilər. Lakin ümumi götürdükdə gənc məşqçi baş məşqçi olduğu müddətdə çox yaxşı təsir bağışladı. Bir çoxlarını necə deyərlər mat qoydu. Cavadovun özünə məxsus futbol fəlsəfəsinin olduğu açıq-aşkar göründü. Hücum futboluna üstünlük verən gənc məşqçi, həmçinin komandasını psixoloji cəhətdən oyuna qədər hazırlamağı bacarır. Komandasının hər oyuna yüksək motivatsiya etməyi bacaran məşqçilərdəndi. Düşünürəm ki, ən azı bu bacarıqlarına, uğurlarına görə "Sumqayıt" rəhbərliyi, Riad Rəfiyev onunla yeni müqavilə imzalamalıdır. Çünki V. Cavadov komandanı təhvil alanda klub sonuncu yerdə gedirdi. Lakin hazırda "Sumqayıt" klubu ilk 6-lıqda qərarlaşıb. Hətta mövsümün sonuna qədər daha yuxarı pilləyə qalxa bilərlər. Bundan başqa, Vaqif Cavadovu 2024-cü iln ən yaxşı baş məşqçilərindən adlandırmaq olar. Həm gənc, prespektivli, çalışqan həm də, qısa müddətdə yaxşı nəticələr verdiyi üçün ən yaxşılar sırasında yer almalıdır. Düşünürəm ki, Cavadov komandanın sükanı arxasında qalarsa, "Sumqayıt" daha irəliyə gedə bilər.

Əli HƏYATİ