Millimiz Bakı vaxtı ilə saat 18:00-da “Haladas SportKomplexum” stadionunda Qazaxıstan yığması ilə qarşılaşıb. Və millimiz bu oyunda fantastik geridönüş edərək qalib gəlib.
Azərbaycan – Qazaxıstan 3:2
Qollar: Mahir Emreli 42, Emin Mahmudov 51 (p), Toral Bayramov 72 - Voroqovski 2, Somorodov 29

Artıq neçə oyundur ki, millimizi oyunlara baş məşqçi kimi Arif Əsədov çxardır. Əlbəttə ki, A. Əsədov üçün milli yad deyil. Neçə illərdi De Byazi ilə bir yerdə millini çalışdırıb. Kifayyət qədər bu yöndə təcrübəsi var. Yəni milli komandamıza yad adam deyil. Bir neçə turda keçirdiyimiz oyunları nəzərə saldıqda, görərik ki, Arif hoca məşqçi kimi az iş görməyib. Bəlkə də, bu işin öhtəsindən belə qısa bir zamanda baqa bir məşqçi gələ bilməyəcəkdi. Qazaxıstanla oyunda millimiz ilk yarını məlub başa vursa da, ikinci yarıda inanılmazı bacardı. Mən bu qələbədə baş məşqçi Arif Əsədovun əməyini daha çox qiymətləndirərdim. İlk yarıda qapısında iki qol görən komandanı motivatsiya etmək, qələbəyə kökləmək asan iş deyil. Siz Baxın görün baş məşqçi fasilədə uşqları psixoloji olaraq necə motivatsiya etdi, necə özlərinə inadırdı ki, ikinci hissədə qələbə qazandıq. Bu elə belə iş deyil. Rəqib komanda da, çox güclüdür. Ondan başqa ikinci yarıda meydanda məşqçi işi açıq – aşkar göründü. Oyun planında möhtəşəm dəyişiklik edən Arif Əsədov istəyinə nail oldu. İndi gəlin əyri oturaq, düz danışaq. AFFA Azərbaycan millisinin baş məşqçi postuna məgər Arif Əsədovdan yaxşısınımı tapacaq? Mən düşünmürəm. Heç başqa yerli məşqçi də, bu dəqiqə gəlsə, Arfi müəllimin verdiyi nəticəni verə bilməz. Bilirsiniz niyə, çünki yeni gələn istər yerli, istərsə də, əcnəbi məşqçiyə millini tanıması, öz sistemini tətbiq etməsi üçün kifayyət qədər uzun zaman alacaq. Lakin A. Əsədov uzun illərdi millidə çalışır. Və millinin necə deyərlər hər üzünə bələddir. Daha A. Əsədov neynəməlidir, qısa zamanda hansı nəticəni verməlidir ki, AFFA bu mütəxəssizi baş məşqçi təyin etsin. Bu əcnəbilərdən heç bir xeyir görmədik. Bundan sonar da, görməyəcəyik. Onlar Azərbaycana ancaq pul qoparmaq üçün gəlirlər. Və bilirlər ki, sonar çıxıb öz vətənlərinə gedəcəklər. Lakin Arif Əsədov yaxşı bilir ki, Azərbaycanda qalacaq. Bura onun vətənidir. Və milli də, onun üçün şərəfdir. Buna görə, var gücünü, ağlını, futbol fəlsəfəsini məhz bu yolda qoyacaq. Çünki Arif də, bu vətənin oğludur. Bu millətin nümayəndəsidir. Bu vətənin çörəyini yeyir, suyunu içir, havasını udur. Qanında Azərbaycanlı qanı var. Qalibiyyət, uğur, yüksəliş onun üçün şərəf məsələsidir. Lakin Əcnəbilərə bu lazım deyil. Şəxsən mən təcrübəli tənqidçi jurnalist kimi Arif Əsədovu dəstəkləyir, onun milli komandanın başında daha böyük uğurlar qazanacağına inanıram. Mənimlə bərabər bir çox jurnalist həmkrlarım da, buna inanır. AFFA-da outran baş bilənlərə, millini təyin edən şəxslərə səslənirik. Azərbaycan millisini 2-3 illik verin Arif Əsədovun ixtiyarına, uğur tələb edin. Bu şəxsə zaman verin, dəstək olun, gör necə xarüqələr yaradır. Məgər Qurban Qurbnov Azərbaycanlı məşqçi deyil. Gördünüz 10 ildi avropa və dünyanı yaxşı mənada necə təəccübləndirir. Avropa meydanlarında at oynadır. Tarix yazır. Arif Əsədov da, bu işin mütəxəssizidir. O da, bunu millidə bacarar. Sizə qalan şərait yaradıb, imkan verməkdir. Bunun üçün alim olub gecə və gündüz baş sındırmağa dəyməz. ıdır. Millini Arif Əsədov çalışdırmalıdır Vəssəlam.


Əli HƏYATİ