Bizim üçün uğurlu mövsüm olduğunu söyləmək olar. Çünki "Kəpəz" uzun illərdən sonra premyer liqaya vəsiqə qazanmışdı. Hazırki dönəm, maliyə, stadionumuzda oynaya bilməməyimiz də, nəticəy çox təsir etdi. Lakin bütün çətinliklərə rəğmən komandamız premyer liqada qalmağı bacardı. Qələbələrimiz, vacib heç -heçələrimiz oldu.

Bu sözləri Futbolmedia.az saytına açıqlamasında "Kəpəz" klubunun futbolçusu Elçin Əlicanov deyib. Futbolçu klubda qalıb -qalmamağına da, toxunaraq bunları söylədi.

"Hələ ki, heç bir şey deyə bilmərəm. Komanda hazırda istirahətdədir. Yəqin ki, çox yaxın zamanda bilinəcək. Hardasa, 2-3 günə məlum olacaq. Əlbəttə ki, klub rəhbərliyi istəyərsə məmniniyyıtlə"Kəpəz"də qalıb, komandama növbəti mövsüm də, kömək etmək istəyrdim. Gəncə futbolu mənim üçün çox dəyərlidir.