"Azərbaycanın ən güclü klublarından biri olan "Neftçi"yə qarşı oynadıq. Aramıza olan ustalıq fərqi çox böyük idi. Yəni futbolçuların səviyyəsi, ustalıq fərqi böyükdür. Sadəcə qapımızda erkən qollar görməyimiz pizə və oyunumuza çox mənfi təsir etdi. Belə deyim ki, gözləmədiyimiz səhvlər oldu. Lakin bütün bunlara baxmayaraq rudhan düşmədik. Ən azından iki qol vura bildik. Bundan başqa bir neçə real qol şansını da boşa vermişdik."

Bu sözləri Futbolmedia.Az saytına açıqlamasında "Kəpəz" klubunun gənc futbolçusu Əli Səmədov deyib. Növbəti turda "Qəbələ" ilə baş tutacaq oyuna da, toxunan futbolçu bunları söylədi.


"Biraz qəribə səslənir. Qəbələdə "Qəbələ" klubu ilə meydan sahibi kimi oynayacağıq (gülür). Lakin yenə də, meydana döyüşmək, yaxşı nəticə üçün çıxacağıq. Bilirsiniz ki, yeni yığılan komandayıq. Uzun illərdən sonra Premyer Liqaya vəsiqə qazandıq. Yaxşı baş məşqçimiz var. Yaşar müəllim gözəl və döyüşkən komanda qurub. Sadəcə, bizə, baş məşqçiyə zaman lazımdır. Hələ cəmi iki tur oynamışıq. Fikir verin ki, ilk iki turu çempionluq üçün mübarizə aparan "Zirə" və "Neftçi"yə qarşı oynadıq. Ona görə məğlubiyyətlər oldu. Bizə zamana ehtiyyac var. Hələ çox komandalara dişimizi göstərə bilərik.