AFFA İntizam Komitəsi bu gün keçirilən iclasında Misli Premyer Liqasının 18-ci turundakı qayda pozuntularına görə "Zirə"nin 2, "Kəpəz"in isə 3 futbolçusunu cəzalandırıb.

Futbolmedia.az PFL-in saytına istinadən xəbər verir ki, "Zirə" - "Kəpəz" görüşündə (2:2) qonaq komandanın futbolçularından Elçin Əlicanov və Giorgi Kantariya görüş zamanı, Mixeil Erqemlidze isə qarşılaşmadan sonra qırmızı vərəqə aldığı üçün 1 oyunluq diskvalifikasiya ediliblər. "Kəpəz" bu qayda pozuntularına görə 4800 manat cərimələyib.

"Zirə"dən isə qırmızı vərəqəyə görə Coşqun Diniyev 2, Nemanya Ancelkoviç isə 1 oyunluq cəzalandırılıb. "Zirə" bu qayda pozuntuları səbəbindən 2600 manat məbləğində cərimə ödəməli olacaq.