"Kəpəz"lə oyun çox ağır keçdi. Belə olacağını yaxşı biliridik. Rəqib komanda son turlarda çox yaxşı çıxış edirdi. Lkain matçın bizim üçün qırılma nöqtəsi futbolçumuza göstərilən qırmızı vərəqə oldu. Düşünrəm ki, azlıqda qalmasaydıq məğlub olmayacaqdıq. Azlıqda qalmağımız oyunumuza çox mənfi təsir etdi. Əlimizə düşən real qol imkanlarını dəyərləndirə bilmədik. Bu mövsüm dəfələrlə "Kəpəz"i məğlub etmişik. Bu dəfə onlar qazandı.

"Turan Tovuz"un təcrübəli futbolçusu Tərlan Quliyev Futbolmedia.Az saytına açıqlamasında oyundan sonra baş verən hadisədən və aldığı qırmızı vərəqədən də, danışdı."Oyundan sonra meydanda baş verən qalmaqalı sakitləşdirmək, komanda yoldaşlarımı mübahisə zonasından uzaqlaşdırmaq üçün meydana tərəf qaçdım. "Kəpəz"in iki futbolçusu yerə uzanmışdı. Elə meydana çatımışdım ki, rəqibin 9 nömrəli futbolçusu Mate qarşıma sərt şəkildə dikildi. Artıq əskik kəlmələr işlətdi. Mən də, onun başından qırağa yüngülvari itələdim ki, keç bu tərəfə. Mate də, özünü bilərəkdən yerə atdı. Elə simuliyatsiya etdi ki, güya mən ona zərbə vurdum. Hər kəs yaxşı bilir ki, "Kəpəz"in Gürcüstanlı futbolçusu provakasiya etməyi xoşlayır. Mən neçə illərdi peşəkar futbol oynayıram. Bilirəm ki, hansı hərəkəti harda və nə vaxt etmək olar. Mən "Kəəz"in futbolçusunu vurmaq istəsəydim, ona yerdə də, zərbə endirərdim. Elə vurardım ki, ayağa qalxa bilməzdi. Mənim məqsədim onu vurmaq deyil, aranı sakitləşdirmək idi. Sadəcə, qarşıma dikilib ağzımın içinə girdiyi üçün özümdən aralı itələdim. Meydanda 25-30 futbolçu bir -birlərini itələyirdi. Nə bilim yüngülvari vururdular. Mənim bu adi və yüngül itələmə görə qırmızı vərəqə verilməsi düzgün deyil. Onda gərək həmin zamanda 15 futbolçuya qırmızı vərəqə göstərilərdi. Çünki hamısı meydanda mübahisə edirdi. Hətta baş hakim Əliyar Ağayevin özünə də, bildirdim ki, mən burada qırmızı vərəqəlik heç bir hərəkət etmədim. Sadəcə, video görüntüdə elə düşüb.