"Səbail"lə oyuna çox yaxşı hazırlaşmışdıq. Meydana qələbə əzmi ilə çıxmışdıq. Elə ilk hissəyə də, qalib yollanmışdıq. Lakin ikinci yarıda hər şey əksinə oldu. Ardı-arda qollar buraxaraq, böyük hesabla uduzduq. Düşünürəm ki, ilk yarıda hesabda irəlidə olandan sonra bir neçə real qol epizodlarımız oldu. Tural Axundov, Əfranın və Matenin real qol imkanları oldu. Onları dəyərləndirə bilsəydik, nəticə bizim üçün yaxşı olacaqdı."

Bu sözləri Futbolmedia.Az saytına açıqlamasında "Kəpəz"in gənc futbolçusu Nicat Süleymanov deyib. Komanda yoldaşı Rauf Əliyevə verilən qırmızı vərəqədən və qarşıdakı "Qarabağ"la oyundan danışan futbolçu bunları söylədi.

"Əlbəttə ki, Rauf Əliyevə göstərilən qırmızı vərəqə oyunun nəticəsinə çox pis təsir etdi. Komanda ruhdan düşdü. Düşünürəm ki, Rauf Əliyev qırmızı vərəqəlik bir qayda pozuntusu etməmişdi. Qırmızı vərəqə olmasaydı, nəticədə dəyişiklik edə bilərdik. Çünki vaxta çox vardı. "Qarabağ"la oyuna gəlincə isə çox çətin keçəcək. İtkilərimiz də, var. Rəqib komanda çox güclüdür. Lakin biz də, meydana məğlub olmaq üçün çıxmırıq. Çalışacağıq ki, yaxşı nəticə qazanaq.