"Turan Tovuz" klubunun futbolçusu Tərlan Quliyevin Futbolmedia.AZ saytına müsahibəsi.

Tərlan evdə gözlənilmədən autsayder “Şamaxı”ya məğlub oldunuz . Bunu bir sensasiya hesab etmək olar. Çoxları gözləmirdi sizin evdə “Şamaxı”ya belə hesabla məğlubiyyətinizi. Klubun təcrübəli futbolçusu kimi oyun haqda nə deyərdin. Yəqin ki, siz özünüz də, şok oldunuz?

Düzünü deyim ki, “Şamaxı”ya qarşı da,bütün oyunlara hazırlaşdığımız kimi hazırlaşmışdıq. Niyyətimiz qələbə qzanmağımız idi. Oyunun ilk dəqiqələri kəşfiyyat xarakteri daşısa da, heçnədən qol buraxdıq. Özümüzü toparlayıb hesabı bərabərləşdirsək də, qapımızda daha iki top gördük. Çox ağır oyun oldu. Özümüz də, belə nəticə gözləmirdik. Lakin biz bilirdik ki, “Şamaxı” bizimlə oyunda nə gücü var qoyacaqdı. Çünki onların daha itirəcəyi heçnə yox idi. Bir çox oyunlarına baxmışam. Məğlub olduğu oyunlarda da, sona qədər mübarizə aparırlar. Yəni çox döyüşkən komandadır.


Bəs məğlubiyyətin əsl səbəbini nədə görürsən. Bildiyimizə görə, heyətdə kifayyət qədər zədəli futbolçular vardı. Hətta bir çoxları ağrıkəsici ilə meydana çıxmışdı. Bu doğrudur?

Bəli. Hardasa 4-5 futbolçumuz var ki, zədəlidir. Etiram, Əziz, Natan, Prius özü də, zədəlidir. Buna görə də, çətinliyimiz var. Belə götürəndə kiçik zədə alan futbolçularımız da, vardı. Bir neçəsi meydana iynə gücünə çıxmışdılar. Əlbəttə ki, bunu məğlubiyyətə görə sırf bəraət kimi göstərmək olmaz. Lakin səbəblərimiz az deyildi. İstər –istəməz çətinliklər vardı. Bu kimi amillər də, nəticəyə təsirsiz ötüşmədi. Biz də, istəyərdik ki, ən azı məğlub olmayaq. Ani səhvlər, ani məhsuliyyətsizliklərdən qollar buraxdıq. Birdə ki, bir komanda sona qədər məğlub ola bilməz. Ən zəif komanda belə sensasiya edərək qalib gələ bilir. Bu futbol idman növündə qaçılmazdı. Blə deyim ki, “Şamaxı” hansısa klubu udmalı idi. Bu da, gəldi bizim başımızda çatladı. “Qarabağ” klubu özü də, məğlubiyyətsiz seriya ilə irəli gedir. Lakin görmüşük ki, “Qarabağ”da hansısa oyunda gözlənilməz məğlubiyyətlə üzləşir. Elə klubla, elə oyunda xal itirir ki, təsəvffür etmək olazdı. Yəni futbolda belə məğlubiyyətlər qaçılmazdı. Həmişə udmaq, qələbə qazanmaq olmur.

Növbəti oyunu güclü “Qarabağ”a qarşı keçirəcəksiniz. Yəqin ki, onların “Kəpəz”lə oyunundan xəbərin var. “Kəpəz” belə “Qarabağ”a qol vurmağı bacardı. Necə düşünürsən, liderdən xal almaq mümkündürmü?

“Qarabağ”ın adı, gücü bəllidir. Belə güclü komandayla oyuna çıxırsansa,induvudal olaraq da, hazırlaşmalısan. Ümumiyyətlə, heç bir rəqibə yuxarıdan aşağı baxmağa haqqımız yoxdur. Bunun nəticələri çox ağır olur. Yəni arxayınçılığın qurbanı ola bilərsən. “Qarabağ”ın evdə “Kəpəz”lə oyunun epizodlarına baxmışam. Sonuncu oyunların analizini edəcəyik. İstənilən komandaya qarşı mübarizə aparmaq olar. Lakin durub indidən deyək ki,”Qarabağ”ı udacağıq. Və ya, xal alacağıq. Bu doğru olmaz. Reallıq deyən şey var. Lakin meydana çıxıb sonacan vuruşmalıyıq ki, yaxşı nəticə qazana bilək. Meydanın hər qarışı uğrunda mübarizə aparmalıyıq ki, yaxşı nəticə qazanaq.

Əli HƏYATİ