"Şamaxı" klubunun futbolçusu Kamran Quliyevin Futbolmedia.az saytına müsahibəsi.

Kamran bəlkə də çoxları gözləmirdi ki, “Şamaxı” maliyyə büdcəsi sizdən 3 dəfə çox olan “Səbail”lə məğlub olasınız. Lakin siz bunu bacardınız. Matç və qələbə haqqında fikirlərini bilmək istərdim?

Sözün açığı, biz belə bir nəticəni gözləyirdik. Yəni qələbəmizə inanırdıq. Çünki ikinci dövrə biz yalnız “Qarabağ” və “Neftçi”yə məğlub olmuşduq. Antaliya qış təlim –məşq toplanışında əksiklərimizi aradan qaldırdıq. Məşqçilərimiz də, “Səbail”i yaxşı analiz etdi. Biz futbolçular da, meydanda qalib gəlmək üçün əlimizdən gələni etdik. Şükürlər olsun ki, meydanı qalib tərk edən təəf biz olduq.

Penalti məsələsi haqqında nə düşünürsən. Çünki bu məsələ çox müzakirə olundu. Səncə penal vardımı?

İlk yarıda məğlub durumda idik. Məşqçi heyətimiz fasilədə soyunub –geyinmə otağına yaxınlaşdı. Və bizə bildirdilər ki, onlardan güclüyük. Hər şey yaxşı olacaq. Oynamaq lazımdır. Yəni komandamızı motivatsiya etdilər. Penaltiyə gəlincə isə onun ötürməsini mən verdiyim üçün həmin mövqedən uzaqda idim. Mənim tərəfimdən görünmədi. Lakin bunun penalti olduğunu görənlər çox oldu. Mən həmin anlarda Amil Yunanovla əvəzləndim. Lakin penaltini hakim VAR-da təsdiqlədi.

Kamran sən də pis təsir bağışlamırsan. Azarkeşlərə yenə qollar vuracağına söz verirsənmi?

İnşəallah ki, istəyim odur. Öz üzərimdə çox çalışıram. Daima irəliyə doğru gedirəm. Məşqlərdə də, daha çox çalışıram. Mənim deyərdim ki, peşəkar karyeram, Premyer Liqada ilk ilimdir. Əslində mən “Sabah” klubunda da, 6 oyuna çıxmışdım. Bir dəfə qol vurmuşdum. Lakin çox az oldu. Oyun təcrübəmi artırmaq üçün “Şamaxı”nı seçdim. Bu amil də, mənə çox kömək oldu. Bir sözlə, faydasını gördüm.

Növəti turda rəqibiniz ölkənin ən güclüsü olan, avrokuboklarda hər il fırtına kimi əsən “Qarabağ” olacaq. Bu oyunda bir sensasiya gözləməyə dəyərmi. Lakin bilirsiniz ki, sizin üçün də, çox çətin olacaq. Sən necə düşünürsən?

Əlbəttə ki, çox çətin olacaq. Biz elə belə komandaya qarşı oynamırıq. “Qarabağ” özünü sübut edib. Bütün Azərbaycan və hətta avropa “Qarabağ”ın gücünü bilir. Lakin biz də, əlimizdən gələini edəcəyik. Sensasiya gözləməyə də, dəyər. Çünki bu futboldur. Ən azından meydandan məğlub ayrılmamaq üçün əlimizdən gələni edəcəyik. Bir xalda bizim üçün qələbəyə bərabər olardı.