“Nottingem Forest”in baş məşqçisi Oliver Qlasnerin gələcəyi ilə bağlı yeni məlumat yayılıb.

Futbolmedia.az “The Telegraph”-a istinadən xəbər verir ki, komandanın turnir cədvəlindəki çətin vəziyyəti ilə bağlı keçirilən müzakirə zamanı futbolçular baş məşqçiyə dəstək ifadə ediblər. Onlar Qlasnerin iş metodunu yüksək qiymətləndiriblər.

Bundan başqa, klubun sahibi Evangelos Marinakisin də avstriyalı mütəxəssisə etimadı davam edir. Bildirilir ki, o, hələlik Qlasneri istefaya göndərməyi planlaşdırmır.

“Meşəçilər” İngiltərə Premyer Liqasında 9 turdan sonra 6 xalla turnir cədvəlinin 19-cu pilləsində qərarlaşıblar. Qlasnerin komandası 10-cu turda, noyabrın 7-də “Mançester Siti”ni qəbul edəcək.