"Premyer Liqanın ilk turunda "Neftçi" kimi güclü rəqibə qarşı oynadıq. Çoxlar legionersiz və yerli futbolçulardan yaradılan komandanın güclü rəqiblə oyunda aciz qala biləcəyinə düşünsə də, tam əksinə oldu. Komandamız çox yaxşı oyun sərgilədi. İlk yarıda çox yaxşı təsir bağışladıq. Real qol imkanlarımız da, oldu. Onu da nəzərə alamaq lazımdır ki, bizim komanda cəmi 15-20 gündü yığılıb. Heyətdə kifayyət qədər yeni futbolçular var. "Şamaxı"da Premyer Liqa təcrübəsi olan futbolçu 3-4 nəfərdi. Mənim özüm cəmi 5 Premyer Liqa oyununda iştirak etmişəm.

Bu sözləri, Futbolmedia.Az saytına açıqlamasında "Şamaxı" klubunun futbolçusu Rəhman Daşdəmirov deyib. Öz oyunundan və növbəti oyundan da, danışan R. Daşdəmirov bunları söylədi.

" Mən heç zaman öz oyunumdan razı qalmıram. Öz üzərimdə daim çalışıram. Nəzərə almaq lazımdır ki, uzun fasilədən sonra ilk rəsmi oyuna çıxdıq. Ümumi götürəndə pis oynamadım. Lakin potensialım bundan da,yaxşı oynamağa imkan verir. Komandanın oyununa gəlincə isə inanıram ki, oyundan -oyunda daha yaxşı olacaq. Digər rəqiblər də, tam dişimizə görədir. Onlardan da, xal ala biləcəyik. Mütləq qələbələr qazana biləcəyik.